കോഴിക്കോട്: പതിനാറുകാരിയെ കൊലപ്പെടുത്തിയ ശേഷം ബന്ധുവായ യുവാവ് ആത്മഹത്യ ചെയ്ത സംഭവത്തില് കൂടുതല് വിവരങ്ങള് പുറത്ത്. പത്താംക്ലാസ് പരീക്ഷാഫലം കാത്തിരുന്ന നസ്രീനയാണ് കൊല്ലപ്പെട്ടത്. പെണ്കുട്ടിയുടെ അമ്മയുടെ സഹോദരീപുത്രനായ അദ്നാനാണ് (20) കൊലപാതകം നടത്തിയത്. കോഴിക്കോട് മുഴീക്കലില് ഇന്ന് പുലർച്ചെയായിരുന്നു സംഭവം.
പെണ്കുട്ടിയെ കഴുത്ത് ഞെരിച്ച് കൊലപ്പെടുത്തിയ ശേഷം യുവാവ് ആത്മഹത്യ ചെയ്തതായാണ് പ്രാഥമിക വിവരം. നസ്രീനയുടെ മൃതദേഹം കഴുത്തില് ഷാള് ചുറ്റിയ നിലയിലും കൈ കാലുകള് സെല്ലോടേപ്പ് ഉപയോഗിച്ച് ചുറ്റിയ നിലയിലുമായിരുന്നു. കഴുത്ത് ഞെരിച്ച് കൊലപ്പെടുത്തിയാകാം എന്നാണ് പ്രാഥമിക നിഗമനം.
നസ്രീനയോടും കുടുംബത്തോടുമുള്ള വൈരാഗ്യമാണ് കൊല നടത്തിയതിന് കാരണമായി സംശയിക്കുന്നത്. അദിനാൻ വീട്ടില് കയറിയത് കള്ളതാക്കോല് ഉപയോഗിച്ചെന്ന് സംശയിക്കുന്നതായും പൊലീസ് പറഞ്ഞു. സംഭവത്തില് കൂടുതല് വിവരങ്ങള് ശേഖരിച്ച് വരികയാണ്. പോസ്റ്റുമോർട്ടം ഉള്പ്പെടെ പ്രാഥമിക നടപടിക്രമങ്ങള് പൂർത്തിയാക്കി അന്വേഷണം തുടങ്ങാനാണ് പോലീസ് തയ്യാറെടുക്കുന്നത്.
SUMMARY: The young man was targeted for multiple murders; the body was found wrapped in cellophane tape
WhatsApp
Telegram
