ബെംഗളൂരു: വിഷു യാത്രയ്ക്ക് നാട്ടിലേക്കുള്ള ട്രെയിനുകളിലെ ടിക്കറ്റ് ബുക്കിങ് ഇന്നു ആരംഭിക്കും. ഏപ്രിൽ 10-ന് പുറപ്പെടുന്ന ട്രെയിനുകളിലാണ് രാവിലെ എട്ടു മണി മുതല് റിസർവേഷൻ ആരംഭിക്കുന്നത്. ഏപ്രിൽ പത്തിലെക്കുള്ള ടിക്കറ്റ് ബുക്കിങ്ങാണ് ഇന്ന് തുടങ്ങുന്നത്. വിഷു ഏപ്രിൽ 15നാണെങ്കിലും 10,11 ദിവസങ്ങളിലാണ് കൂടുതൽ തിരക്ക് പ്രതീക്ഷിക്കുന്നത്. 14ന് അംബേദ്കർ ജയന്തി കൂടി വരുന്നതിനാൽ അടുപ്പിച്ച് അവധി ലഭിക്കുന്നതും നാട്ടിൽ പോകുന്നവർക്ക് സഹായകരമാണ്. രാവിലെ ബുക്കിങ് തുടങ്ങി മണിക്കൂറിനുള്ളിൽ ബെർത്തുറപ്പുള്ള ടിക്കറ്റുകൾ തീരാനാണ് സാധ്യത.
കേരള, കർണാടക ആർടിസി ബസുകളിലെ ടിക്കറ്റ് ബുക്കിങ് മാർച്ച് ആദ്യവാരം തുടങ്ങും. അതേസമയം ഏപ്രിൽ ആദ്യവാരത്തെ ഈസ്റ്ററിന് നാട്ടിലേക്കും തിരിച്ചുമുള്ള ട്രെയിനുകളിലെ ടിക്കറ്റുകൾ നേരത്തെ തന്നെ തീർന്നിരുന്നു.
SUMMARY: Vishu; Ticket booking for trains to Kerala from today
