ബെംഗളൂരു: കുടകിലെ വിനോദസഞ്ചാരകേന്ദ്രമായ കുശാൽനഗറിന് സമീപം ദുബാരെയിൽ ആനയുടെ ആക്രമണത്തിൽ യുവതി കൊല്ലപ്പെട്ടു. ചെന്നൈ സ്വദേശിനിയായ തുളസി (ജ്യുനേഷ്) എന്ന 33 കാരിയാണ് ദാരുണമായി കൊല്ലപ്പെട്ടത്.
കാവേരി നദിക്കരയിലുള്ള ക്യാമ്പിൽ ആനകളെ കുളിപ്പിക്കുന്ന ചടങ്ങ് കാണാൻ എത്തിയതായിരുന്നു യുവതിയും കുടുംബവും. ഇതിനിടെ, കാഞ്ചൻ എന്ന ആനയുടെ കൊമ്പ് ദേഹത്ത് തട്ടി മാർത്താണ്ഡ എന്ന ആന പ്രകോപിതനായി. തുടർന്ന് ഇവ രണ്ടും ഏറ്റുമുട്ടിയതോടെ ഒരാന ജ്യുനേഷിന്റെ ദേഹത്തേക്ക് വീഴുകയും അതിനടിയിൽ പെട്ട് ജിന്നു ഞെരിഞ്ഞമരുകയും മരിക്കുകയുമായിരുന്നു. പാപ്പാന്മാർ ഇവയെ നിയന്ത്രിക്കാൻ പരമാവധി ശ്രമിച്ചെങ്കിലും പരാജയപ്പെട്ടു. ആനകളെ നീക്കിയ ശേഷം ജ്യുനേഷിന്റെ മൃതദേഹം കുശാൽനഗറിലെ ആശുപത്രിയിലേക്ക് മാറ്റി.
Tragedy at Karnataka’s Dubare Elephant Camp.
A 33-year-old tourist lost her life after a makeshift structure collapsed during an elephant bathing session following a clash between two elephants. pic.twitter.com/zeXw0Bnx1t
— TIMES NOW (@TimesNow) May 18, 2026
ജ്യുനേഷിന്റെ മരണത്തിൽ കർണാടക വനം, പരിസ്ഥിതി, പരിസ്ഥിതി മന്ത്രി ഈശ്വർ ബി ഖന്ദ്രെ ദുഃഖം രേഖപ്പെടുത്തി. വന്യജീവികളുമായി ബന്ധപ്പെട്ട് കർശനമായ സുരക്ഷാ പ്രോട്ടോക്കോളുകൾ നടപ്പിലാക്കാൻ ഖന്ദ്രെ അധികാരികൾക്ക് നിർദ്ദേശം നൽകി. ബന്ദികളാക്കിയ ആനകൾക്ക് പരിശീലനം നൽകിയിട്ടുണ്ടെങ്കിലും, മൃഗങ്ങളുടെ പെരുമാറ്റം പ്രവചിക്കുന്നത് ഇപ്പോഴും ബുദ്ധിമുട്ടാണെന്ന് അദ്ദേഹം പറഞ്ഞു.
വിനോദസഞ്ചാരികൾ ആനകളുടെ തുമ്പിക്കൈയിൽ തൊടുന്നത്, ഫോട്ടോ എടുക്കാൻ അടുത്ത് നിൽക്കുന്നത്, ആനകളെ കഴുകുന്നത്, ഭക്ഷണം നൽകുന്നത് എന്നിവ തടയണമെന്ന് അദ്ദേഹം ഉദ്യോഗസ്ഥരോട് നിർദ്ദേശിച്ചു. ആനകളിൽ നിന്നും മറ്റ് വന്യജീവികളിൽ നിന്നും വിനോദസഞ്ചാരികൾ എല്ലായ്പ്പോഴും സുരക്ഷിതമായ അകലം പാലിക്കുന്നുണ്ടെന്ന് ഉറപ്പാക്കാൻ അദ്ദേഹം ഉദ്യോഗസ്ഥരോട് നിർദ്ദേശിച്ചു.
SUMMARY: A young woman in Kodagu met a tragic end after falling between elephants while they were fighting at an elephant sanctuary.
