കോഴിക്കോട്: പൂവാട്ടുപറമ്പിൽ നിര്ത്തിയിട്ടിരുന്ന കാറില് നിന്ന് 40 ലക്ഷം രൂപ കവര്ന്നതായി പരാതി. കാറിന്റെ ഗ്ലാസ് തകര്ത്താണ് പണം കവർന്നത്. ആനക്കുഴിക്കര സ്വദേശി റഹീസിന്റെ പക്കല് നിന്നാണ് പണം നഷ്ടമായത്. കാര്ഡ് ബോര്ഡ് കവറിലാക്കി ചാക്കില് കെട്ടിയാണ് പണം കാറില് സൂക്ഷിച്ചിരുന്നത്.
ഭാര്യാ പിതാവ് നല്കിയതും മറ്റൊരിടത്തുനിന്ന് ലഭിച്ച പണവുമാണ് തന്റെ പക്കലുണ്ടായിരുന്നതെന്ന് റഹീസ് പോലീസിനോട് പറഞ്ഞു. എന്നാല് പണത്തിന്റെ ഉറവിടം സംബന്ധിച്ചും റഹീസിന്റെ പക്കല് ഇത്രയും തുക ഉണ്ടായിരുന്നോയെന്ന കാര്യത്തിലും പോലീസിന് സംശയമുണ്ട്. സംഭവത്തില് മെഡിക്കല് കോളേജ് പോലീസ് കേസെടുത്തു. വിശദമായ അന്വേഷണം ആരംഭിച്ചു.
TAGS : KOZHIKODE
SUMMARY : Rs 40 lakh stolen from parked car in Kozhikode
