ബെംഗളൂരു: നഗരത്തിലെ 165 ജംഗ്ഷനുകളിൽ കൂടി നിർമിത ബുദ്ധി (എ.ഐ) സിഗ്നൽ സംവിധാനം ഏർപ്പെടുത്തുമെന്ന് ബെംഗളൂരു സിറ്റി ട്രാഫിക് പോലീസ്. നഗരത്തിലുടനീളമുള്ള ട്രാഫിക് മാനേജ്മെൻ്റ് മെച്ചപ്പെടുത്താൻ ലക്ഷ്യമിട്ടുള്ള നൂതന സംവിധാനം ബെംഗളൂരു അഡാപ്റ്റീവ് ട്രാഫിക് കൺട്രോൾ സിസ്റ്റം (ബിഎടിസിഎസ്) എന്ന പേരില്‍ ഈ വര്‍ഷം മെയ് മാസത്തിലാണ് ആരംഭിച്ചത്. നിലവിൽ നഗരത്തിലെ 60 ജംക്ഷനുകളിൽ ഇത് പ്രകാരമുള്ള സിഗ്നല്‍ സംവിധാനം സ്ഥാപിച്ചിട്ടുണ്ട്.
സെൻസറുകളുടെ സഹായത്തോടെ കാലതാമസം ഒഴിവാക്കി സിഗഗ്നലുകൾ കൃത്യ സമയത്ത് പ്രവർത്തിപ്പിക്കാൻ ഈ സംവിധാനത്തിന് സാധിക്കുമെന്ന് ട്രാഫിക് പോലീസ് അറിയിച്ചു. ഘട്ടം ഘട്ടമായി നഗരത്തിലെ 400 ജംക്ഷനുകളിലേക്ക് കൂടി എ.ഐ സിഗ്നൽ സ്ഥാപിക്കാനാണ് ബെംഗളൂരു സിറ്റി ട്രാഫിക് വിഭാഗം ലക്ഷ്യമിടുന്നത്. ജാപ്പനീസ് സാങ്കേതിക വിദ്യ അടിസ്ഥാനമാക്കി പ്രവർത്തിക്കുന്ന സിഗ്നൽ സംവിധാനത്തിന് 58 കോടി രൂപയുടെ ചെലവ് പ്രതീക്ഷിക്കുന്നതായി ട്രാഫിക് ജോയിൻ്റ് കമ്മീഷണർ എം. എൻ. അനുഛേദ് പറഞ്ഞു.
<br>
TAGS : AI SIGNAL SYSTEM | BENGALURU TRAFFIC POLICE
SUMMARY : AI based signal system at 165 junctions
