കൊച്ചി: സംസ്ഥാന സ്കൂള് കായികമേളയില് അത്ലറ്റിക്സില് കപ്പുയർത്തി മലപ്പുറം. ചരിത്രത്തില് ആദ്യമാണ് അത്ലറ്റിക്സില് മലപ്പുറം ചാമ്പ്യന്മാരാകുന്നത്. 22 സ്വര്ണവും 28 വെള്ളിയും 24 വെങ്കലവും നേടിയാണ് മലപ്പുറത്തിന്റെ നേട്ടം. മൂന്ന് ഫൈനല് ബാക്കി നില്ക്കെ 233 പോയിന്റുമായാണ് മലപ്പുറം ഒന്നാമതെത്തിയത്.
രണ്ടാം സ്ഥാനത്തുള്ള പാലക്കാടിന് 191 പോയിന്റാണുള്ളത്. ഇനിയുള്ള എല്ലാ മത്സരത്തിലും സ്വര്ണം നേടിയാലും പാലക്കാടിന് ഒന്നാമതെത്താന് കഴിയില്ല. അതേസമയം 1935 പോയിന്റുമായി തിരുവനന്തപുരമാണ് ഓവറോള് ചാമ്പ്യന്മാര്. ഒളിംമ്പിക് മാതൃകയില് നടത്തിയ ആദ്യ സംസ്ഥാന സ്കൂള് കായിക മേളയാണ് ഇന്ന് കൊടിയിറങ്ങുന്നത്.
TAGS : SPORTS
SUMMARY : School Sports Festival; Athletics crown for Malappuram
