തിരുവനന്തപുരം: സംസ്ഥാനത്ത് കനത്ത മഴ തുടരുന്നു. അഞ്ച് ജില്ലകളില് ഇന്ന് റെഡ് അലര്ട്ട് പുറപ്പെടുവിച്ചു. മലപ്പുറം, കോഴിക്കോട്, കണ്ണൂര്, വയനാട്, കാസറഗോഡ് ജില്ലകളിലാണ് ഇന്ന് റെഡ് അലര്ട്ട്. മറ്റ് ജില്ലകളില് ഓറഞ്ച് അലര്ട്ട് നല്കിയിട്ടുണ്ട്.
നാളെ 11 ജില്ലകളിലാണ് റെഡ് അലർട്ട് പ്രഖ്യാപിച്ചിരിക്കുന്നത്. സാധാരണയേക്കാൾ കൂടുതൽ മഴ പ്രതീക്ഷിക്കുന്ന ഈ കാലവർഷക്കാലത്ത്, ആദ്യ ദിവസങ്ങളിൽ തന്നെ കനത്ത മഴയാണ് ലഭിക്കുന്നത്. തുടർച്ചായി മഴ ലഭിക്കുന്ന മേഖലകളിൽ ഉരുൾപ്പൊട്ടൽ, മണ്ണിടിച്ചിൽ, വെള്ളപ്പൊക്ക സാധ്യതകൾ കണക്കിലെടുത്ത് അതീവ ജാഗ്രത വേണം. കേരള തീരത്ത് കള്ളക്കടൽ മുന്നറിയിപ്പുമുണ്ട്. ജൂൺ ഒന്ന് വരെ ശക്തമായ മഴയ്ക്ക് സാധ്യതയുണ്ടെന്നാണ് വിലയിരുത്തൽ.
കേരള ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കേര്പ്പെടുത്തി. പമ്പ മുതല് ഇലവുങ്കല് വരെയുള്ള ഭാഗങ്ങളില് വ്യാപകമായി മരം വീണു. ഇടുക്കിയിലെ ഹൈറേഞ്ചുകളിലും മഴ ശക്തമാണ്.
കൊട്ടാരക്കര-ദിണ്ഡിഗല് പാതയില് മണ്ണിടിച്ചിലുണ്ടായി. തടസ്സപ്പെട്ട ഗതാഗതം പിന്നീട് പുനസ്ഥാപിച്ചു. ആലപ്പുഴ തൃക്കുന്നപ്പുഴയില് ഇന്നും കടല്ക്ഷോഭം രൂക്ഷമാണ്.
<br>
TAGS: HEAVY RAIN, RAIN ALERT KERALA
SUMMARY : Heavy rain continues; Red alert in five districts today, high alert in the state
