കർണാടകയിൽ സ്വകാര്യ ബസ് മറിഞ്ഞ് നാല് മരണം

ബെംഗളൂരു: കർണാടകയിൽ സ്വകാര്യ ബസ് മറിഞ്ഞ് നാല് പേർക്ക് ദാരുണാന്ത്യം. ഞായറാഴ്ച പുലർച്ചെ ഹോളലകെരെ ടൗണിന് സമീപമാണ് സംഭവം. ബെംഗളൂരുവിൽ നിന്ന് ഗോകർണത്തേക്ക് പോവുകയായിരുന്ന സ്വകാര്യ ബസാണ് അപകടത്തിൽ പെട്ടത്.

ഹോളൽകെരെ ടൗണിൻ്റെ പ്രാന്തപ്രദേശത്തുള്ള ആഞ്ജനേയ ക്ഷേത്രത്തിന് സമീപമുള്ള റോഡിൽ നിയന്ത്രണം വിട്ട ബസ് മറിയുകയായിരുന്നു. അപകടത്തിൽ 30 ഓളം പേർക്ക് പരുക്കേറ്റു. ഇതിൽ എട്ട് പേരുടെ നില ഗുരുതരമാണ്. പരുക്കേറ്റവരെ ഹോളലകെരെ താലൂക്ക് ആശുപത്രിയിലേക്കും മൃതദേഹങ്ങൾ മോർച്ചറിയിലേക്കും മാറ്റി. സംഭവത്തിൽ പോലീസ് കേസെടുത്തു.

The post കർണാടകയിൽ സ്വകാര്യ ബസ് മറിഞ്ഞ് നാല് മരണം appeared first on News Bengaluru.