ന്യൂഡൽഹി: പതഞ്ജലി സ്ഥാപകരായ ബാബാ രാംദേവും ബാലകൃഷ്‌ണയും സമർപ്പിച്ച ക്ഷമാപണം വീണ്ടും തള്ളി സുപ്രീം കോടതി. തങ്ങൾ അന്ധരല്ലെന്നും ഈ കേസിൽ ഉദാരത കാണിക്കാൻ ആഗ്രഹിക്കുന്നില്ലെന്നും പറഞ്ഞുകൊണ്ടാണ് കോടതി ക്ഷമാപണം നിരസിച്ചത്. വിഷയത്തിൽ കേന്ദ്രത്തിൻ്റെ മറുപടിയിൽ തൃപ്തിയില്ലെന്നും കോടതി ചൂണ്ടിക്കാട്ടി.
കഴിഞ്ഞ നവംബറിൽ കോടതി പുറപ്പെടുവിച്ച ഉത്തരവ്‌ ലംഘിച്ച്‌ തെറ്റിദ്ധരിപ്പിക്കുന്ന പരസ്യങ്ങൾ നൽകിയതിന്‌ നിരുപാധികമായ ഖേദപ്രകടനം നടത്തണമെന്ന്‌ ജസ്‌റ്റിസ്‌ ഹിമാകോഹ്‌ലി, ജസ്‌റ്റിസ്‌ അഹ്‌സനുദീൻ അമാനുള്ള എന്നിവർ അംഗങ്ങളായ ബെഞ്ച്‌ നിർദേശിച്ചു.
കടലാസിൽ മാത്രം ഖേദപ്രകടനം നടത്തിയത്‌ കൊണ്ട്‌ കാര്യമില്ലെന്നും കോടതി ഉത്തരവുകൾ വീണ്ടും ലംഘിച്ചാൽ കർശനനടപടികൾ നേരിടേണ്ടി വരുമെന്നും സുപ്രീംകോടതി ബാബാരാംദേവിനും ബാലകൃഷ്‌ണയ്‌ക്കും മുന്നറിയിപ്പ് നൽകി. ‘കോടതി ഉത്തരവിനോട്‌ നിങ്ങൾ കാണിച്ച അതേ പുച്ഛം നിങ്ങളുടെ ഖേദപ്രകടനങ്ങളോട്‌ കോടതിയും കാണിക്കുന്നുവെന്ന്‌ കരുതിയാൽ മതി. നിങ്ങളുടെ ഖേദപ്രകടനത്തിൽ ഞങ്ങൾ തൃപ്‌തരല്ല. അത്‌ ഞങ്ങൾ തള്ളുകയാണ്‌’- ജസ്‌റ്റിസ്‌ ഹിമാകോഹ്‌ലി പറഞ്ഞു. ആവശ്യമെങ്കിൽ, പരസ്യമായി ഖേദപ്രകടനം നടത്താൻ തയ്യാറാണെന്ന്‌ പതഞ്‌ജലിക്ക്‌ വേണ്ടി ഹാജരായ മുതിർന്ന അഭിഭാഷകൻ മുകുൾറോഹ്‌തഗി പറഞ്ഞെങ്കിലും കോടതി നിലപാടിൽ മാറ്റമുണ്ടായില്ല.
The post ഖേദപ്രകടനത്തിൽ ഞങ്ങൾ തൃപ്‌തരല്ല’; പതഞ്‌ജലിയുടെ രണ്ടാമത്തെ മാപ്പ്‌ അപേക്ഷയും തള്ളി സുപ്രീംകോടതി appeared first on News Bengaluru.
Powered by WPeMatico
WhatsApp
Telegram
