കോട്ടയം കുറുപ്പന്തറയില് ഗൂഗിള് മാപ്പ് നോക്കി യാത്ര ചെയ്ത സംഘം സഞ്ചരിച്ച കാര് തോട്ടില് വീണ് അപകടം. കുറുപ്പന്തറ കടവ് പാലത്തിന് സമീപത്ത് വെച്ചാണ് അപകടമുണ്ടായത്. ഇന്ന് പുലര്ച്ചെയായിരുന്നു സംഭവം. ഹൈദരാബാദ് സ്വദേശികളായ സംഘം സഞ്ചരിച്ച കാറാണ് തോട്ടില് വീണത്.
യാത്രക്കാരെ പോലീസും നാട്ടുകാരും ചേര്ന്ന് രക്ഷപ്പെടുത്തി. കാര് പൂര്ണമായും തോട്ടില് മുങ്ങിപ്പോയതായി പോലീസ് പറഞ്ഞു. മൂന്നാറില് നിന്ന് ആലപ്പുഴയിലേക്കായിരുന്നു ഇവരുടെ യാത്ര. കാർ കരയ്ക്ക് കയറ്റാനുള്ള ശ്രമം തുടരുന്നു.
