ബെംഗളൂരു: സംസ്ഥാനത്ത് വേനൽ മഴ കനക്കുന്നു. തീരദേശ ജില്ലയായ ദക്ഷിണ കന്നഡയിലെ ബെൽത്തങ്ങാടി വേണൂർ, കാശിപട്ടണ, മുണ്ടജെ, കൽമഞ്ച, ഉജിരെ എന്നിവയുൾപ്പെടെ നിരവധി പ്രദേശങ്ങളിൽ ഇടിമിന്നലോട് കൂടിയ ശക്തമായ മഴയാണ് കഴിഞ്ഞ ദിവസം ലഭിച്ചത്. സുള്ള്യ, പുത്തൂർ താലൂക്കുകളിലെ പല ഭാഗങ്ങളിലും കഴിഞ്ഞ ദിവസങ്ങളിൽ മഴ ശക്തമായിരുന്നു. മഴ തുടരുന്ന പശ്ചാത്തലത്തില്‍ തീരദേശ ജില്ലകളില്‍ ഇന്ന് കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ചു.
കാലാവസ്ഥ കാലാവസ്ഥാവകുപ്പിന്റെ മുന്നറിയിപ്പ് അനുസരിച്ച് തീരദേശ ജില്ലകളിൽ അടുത്ത 48 മണിക്കൂറിനുള്ളിൽ ഇടിമിന്നൽ, ശക്തമായ കാറ്റ് എന്നിവ ഉൾപ്പെടെയുള്ള കനത്ത മഴക്ക് സാധ്യത ഉണ്ടെന്നാണ് മുന്നറിയിപ്പ്. തെക്ക് പടിഞ്ഞാറൻ മൺസൂൺ ശക്തമാകുന്നതിന്റെ ഭാഗമായി വരും ദിവസങ്ങളിൽ സംസ്ഥാനത്തെ വിവിധ ഭാഗങ്ങളിൽ കനത്ത മഴയ്ക്ക് സാധ്യതയുള്ളതായും മുന്നറിയിപ്പ് നൽകിയിട്ടുണ്ട്.
SUMMARY: Heavy rain likely; Orange alert in coastal districts of Karnataka today and tomorrow
