ബെംഗളൂരു: തിരിച്ചറിയൽ രേഖയിൽ കൃത്രിമം കാട്ടിയ യാത്രക്കാരനെ വിമാനത്തിൽ നിന്നും ഇറക്കിവിട്ടു. ബെംഗളൂരു കെംപെഗൗഡ രാജ്യാന്തര വിമാനത്താവളത്തിൽ ബുധനാഴ്ച്ച വൈകീട്ടാണ് സംഭവം. ബെംഗളൂരുവിൽ നിന്ന് ന്യൂഡൽഹിയിലേക്കുള്ള എയർ ഇന്ത്യ എഐ-2820 വിമാനത്തിൽ യാത്ര ചെയ്യാൻ കയറിയ യാത്രക്കാരനെയാണ് ഇറക്കിവിട്ടത്.
വൈകുന്നേരം 6.05ന് വിമാനം പറന്നുയരുന്നതിന് മുമ്പ്, സുരക്ഷാ ഉദ്യോഗസ്ഥർ വിവരം അറിയിച്ചതിനെ തുടർന്ന് ടേക്ക് ഓഫ് നിർത്തി യാത്രക്കാരനെ ഇറക്കിവിടുകയായിരുന്നു. യാത്രക്കാരൻ തന്റെ തിരിച്ചറിയൽ രേഖയിൽ കൊടുത്ത വിലാസത്തിൽ കൃത്രിമം കാണിച്ചിരുന്നതായി സുരക്ഷ ഉദ്യോഗസ്ഥർ പറഞ്ഞു. സംഭവത്തിൽ എയർപോർട്ട് പോലീസ് കേസ് രജിസ്റ്റർ ചെയ്തു.
TAGS: BENGALURU | AIR INDIA
SUMMARY: Air India passenger deplaned in Bengaluru
