കോഴിക്കോട്: കല്ലാച്ചിയില് കാറ്ററിങ് യൂണിറ്റില് നിന്ന് വാങ്ങിയ ഭക്ഷണത്തില് നിന്ന് പുഴുക്കളെ കിട്ടിയതായി പരാതി. കല്ലാച്ചി കുമ്മങ്കോട്ടെ ടികെ കാറ്ററിങ് യൂണിറ്റില് നിന്ന് വാങ്ങിയ ചിക്കണ് അല്ഫാമിലാണ് പുഴുക്കളെ കണ്ടത്. കുമ്മങ്കോട് സ്വദേശിയാണ് ഭക്ഷണം വാങ്ങിയത്. ആരോഗ്യവകുപ്പ് പരിശോധന നടത്തി യൂണിറ്റ് അടച്ചുപൂട്ടാൻ നോട്ടീസ് നല്കി.
ഭക്ഷണം കഴിക്കുന്നതിനിടെയാണ് പുഴുക്കളെ കണ്ടെത്തിയത്. ഭക്ഷണം കഴിച്ച വീട്ടുകാര്ക്ക് വയറുവേദന അനുഭവപ്പെട്ടു. തുടർന്ന് നാദാപുരം സർക്കാർ ആശുപത്രിയില് ചികിത്സതേടി. പിന്നാലെ ഭക്ഷണത്തില്നിന്ന് പുഴുവിനെ കിട്ടിയ കാര്യം ആരോഗ്യവിഭാഗത്തെ അറിയിച്ചു. തുടർന്നാണ് പരിശോധന നടത്തിയത്.
മാനദണ്ഡങ്ങള് പാലിക്കാതെയാണ് ഇവിടെ ഭക്ഷണസാധനങ്ങള് സൂക്ഷിച്ചിരുന്നതെന്ന് പരിശോധനയില് വ്യക്തമായി. ഭക്ഷണം കഴിച്ചയാള് ആശുപത്രിയില് ചികിത്സയില് തുടരുകയാണ്.
TAGS : LATEST NEWS
SUMMARY : Worms in Alfam purchased parcel; Kozhikode catering unit closed
