പാലക്കാട് മണ്ണാർക്കാട് കരിമ്പുഴയില് കുളിക്കാനിറങ്ങിയ മൂന്നു പേരില് ഒരാള് മരണപ്പെട്ടു. പാറക്കല് റിസ്വാന, പുത്തൻ വീട്ടില് ബാദുഷ, ചെറുമല ദീമ മെഹ്ബ എന്നിവരാണ് അപകടത്തില്പ്പെട്ടത്. റിസ്വാനയാണ് മരണപ്പെട്ടത്. 19 വയസായിരുന്നു. കൂടെ ഉണ്ടായിരുന്ന രണ്ടുപേരെ നാട്ടുകാർ രക്ഷപെടുത്തി ആശുപതിയില് എത്തിച്ചു.
കരിമ്പുഴ കൂട്ടിലക്കടവ് ചെറുപുഴ പാലത്തിന് സമീപം വ്യാഴാഴ്ച വൈകീട്ടാണ് സംഭവം. ജേഷ്ഠാനുജന്മാരുടെ മക്കളാണ് അപകടത്തില് പെട്ടത്. പുഴക്ക് സമീപം തോട്ടം വാങ്ങിയതില് എത്തിയതായിരുന്നു മൂന്നുപേരും. അവിടെനിന്നും കുളിക്കാൻ പുഴയിലേക്ക് ഇറങ്ങുകയായിരുന്നു. ഇതിനിടെയാണ് പുഴയില് മുങ്ങിയത്. നാട്ടുകാരും ട്രോമാകെയർ വളണ്ടിയർമാരും ചേർന്ന് കുട്ടികളെ കരയ്ക്ക് കയറ്റി വട്ടമ്പലം സ്വകാര്യ ആശുപത്രിയില് എത്തിച്ചെങ്കിലും ഒരാള് മരിച്ചു.
The post പുഴയില് കുളിക്കാനിറങ്ങിയ മൂന്നു കുട്ടികള് ഒഴുക്കില്പ്പെട്ടു; ഒരാള് മരിച്ചു appeared first on News Bengaluru.
Powered by WPeMatico
