നെയ്റോബി: യുണൈറ്റഡ് നാഷൻസ് എൻവയേൺമെന്റ് പ്രോഗ്രാമിന്റെ(യുഎൻഇപി) 2024ലെ ‘ചാംപ്യൻസ് ഓഫ് ദി എർത്ത്’ പുരസ്കാരം മാധവ് ഗാഡ്ഗിലിന്. പരിസ്ഥിതി മേഖലയിൽ യുഎൻ നൽകുന്ന ഏറ്റവും ഉയർന്ന ബഹുമതിയാണ് ചാംപ്യൻസ് ഓഫ് ദി എർത്ത്. ഈ വർഷം ആറുപേരാണ് പുരസ്കാരത്തിന് അർഹരായിരിക്കുന്നത്. ഭൂമിയെയും ജനങ്ങളെയും സംരക്ഷിക്കുന്നതിനുള്ള ശ്രമങ്ങളിൽ മുന്നിട്ടുനിൽക്കുന്നവരെയാണ് പുരസ്കാരം നൽകി ആദരിക്കുന്നത്.
ഗാഡ്ഗില്ലിന്റെ പ്രവര്ത്തനങ്ങള് പൊതുജനാഭിപ്രായത്തെയും പ്രകൃതിവിഭവങ്ങളുടെ സംരക്ഷണത്തിനായുള്ള ഔദ്യോഗിക നയങ്ങളെയും സ്വാധീനിച്ചിട്ടുണ്ട്. പശ്ചിമഘട്ടവുമായി ബന്ധപ്പെട്ട് അദ്ദേഹം നടത്തിയ ഇടപെടലുകളും പ്രവര്ത്തനങ്ങളും വളരെയധികം ശ്രദ്ധിക്കപ്പെട്ടിട്ടുള്ളതാണെന്നും യുഎന്ഇപി പറയുന്നു. ലൈഫ് ടൈം അച്ചീവ്മെന്റ് പുരസ്കാരത്തിനാണ് ഗാഡ്ഗിലിനെ തിരഞ്ഞെടുത്തിരിക്കുന്നത്.
എമി ബോവേഴ്സ് കോര്ഡാലിസ് (ഇന്സ്പിരേഷന് ആന്ഡ് ആക്ഷന്), ഗബ്രിയേല് പൗണ് (ഇന്സ്പിരേഷന് ആന്ഡ് ആക്ഷന്), ലി ക്വി (സയന്സ് ആന്ഡ് ഇന്നോവേഷന്), സെകിം (എന്റര്പ്രേന്യൂറിയല് വിഷന്), സോണിയ ഗൗജജാറ (പോളിസി ലീഡര്ഷിപ്) എന്നിവരും പുരസ്കാരങ്ങള് നേടി.
<BR>
TAGS : MADHAV GADGIL
SUMMARY : Champions of the Earth Award to Madhav Gadgil
