ബെംഗളൂരു: മുടി കൊഴിഞ്ഞതിന്റെ പേരിൽ ഭാര്യ നിരന്തരം കളിയാക്കിയതിനെ തുടർന്ന് യുവാവ് ജീവനൊടുക്കി. ചാമരാജ്നഗറിലാണ് സംഭവം. പരശിവമൂർത്തിയാണ്. സംഭവത്തിൽ ഭാര്യ മമതയ്ക്കെതിരെ പോലീസ് കേസെടുത്തു.
പരശിവമൂർത്തി കഷണ്ടിയാണെന്ന് പറഞ്ഞ് മമത പലപ്പോഴും പരിഹസിക്കാറുണ്ടായിരുന്നു. മറ്റുള്ളവരുടെ മുന്നിൽ വെച്ചും മമത ഇത്തരത്തിൽ പെരുമാറിയിരുന്നതായി മൂർത്തിയുടെ ബന്ധുക്കൾ പറഞ്ഞു. ആഡംബര ജീവിതം നയിക്കാൻ താല്പര്യമുണ്ടായിരുന്ന മമത സോഷ്യൽ മീഡിയയിലും സജീവമായിരുന്നു.
എന്നാൽ മൂർത്തിക്ക് ഇക്കാര്യം ഇഷ്ടമല്ലായിരുന്നു. ഇതിന്റെ പേരിൽ ഇരുവരും തമ്മിൽ നിരന്തരം വഴക്കിടാറുമുണ്ടായിരുന്നു. അടുത്തിടെ പരശിവമൂർത്തിക്കെതിരെ വ്യാജ സ്ത്രീധന പീഡന പരാതിയും മമത നൽകിയിരുന്നു. തുടർന്ന് ഒന്നര മാസം മൂർത്തി ജയിലിലായിരുന്നു. പിന്നീട് ജാമ്യത്തിൽ പുറത്തിറങ്ങിയ മൂർത്തി ആത്മഹത്യ ചെയ്യുകയായിരുന്നു. സംഭവത്തിൽ ചാമരാജ്നഗർ റൂറൽ പോലീസ് കേസെടുത്തു.
TAGS: BENGALURU
SUMMARY: Man commits suicide after wife constantly shames him over hair loss
