കൊച്ചി: ഹേമ കമ്മിറ്റി റിപ്പോർട്ടിനെ ചൊല്ലി നിർമ്മാതാകളുടെ അസോസിയേഷനില്‍ തർക്കം. നിർമ്മാതാക്കളായ സാന്ദ്ര തോമസും ഷീലാ കുര്യനും അസോസിയേഷൻ സെക്രട്ടറിയ്ക്ക് കത്ത് അയച്ചു. വനിതാ നിർമ്മാതാകളുടെ യോഗം വിളിച്ച്‌ ചേർത്തത് പ്രഹസനമാണെന്നും ഹേമകമ്മിറ്റി റിപ്പോർട്ടിനെ സംബന്ധിച്ച്‌ മുഖ്യമന്ത്രിക്ക് അയച്ച കത്ത് ചർച്ചകള്‍ ഇല്ലാതെയാണെന്നും ഇവർ ആരോപിച്ചു.
അസോസിയേഷൻ സമീപനങ്ങള്‍ സ്ത്രീ നിർമാതാക്കളെ കളിയാക്കുന്നതിന് തുല്യമാണ്. പ്രൊഡ്യൂസേഴ്സ് അസോസിയേഷനെ നിയന്ത്രിക്കുന്നത് ബാഹ്യശക്തികളാണെന്നും പുതിയ കമ്മിറ്റിയെ അടിയന്തരമായി തിരഞ്ഞടുക്കണമന്നും ആവശ്യമുയർന്നു. അതേസമയം, വനിതാ നിർമാതാക്കളുടെ കത്തിന് മറുപടി ഇതുവരെ പ്രൊഡ്യൂസേഴ്സ് അസോസിയേഷൻ ഭാരവാഹികള്‍ നല്‍കിയിട്ടില്ല.
നേരത്തെ, സിനിമ മേഖലയില്‍ സ്ത്രീക്കും പുരുഷനും തുല്യവേതനം ഉറപ്പാക്കണമെന്ന ഹേമാകമ്മിറ്റിയിലെ നിർദേശം അപ്രായോഗികവും അസാധ്യവുമാണെന്ന് കാട്ടി പ്രൊഡ്യൂസേഴ്സ് അസോസിയേഷൻ രംഗത്തെത്തിയിരുന്നു. ഇക്കാര്യങ്ങള്‍ ഉള്‍പ്പെടെ ചൂണ്ടികാണിച്ചുകൊണ്ട് പ്രൊഡ്യൂസേഴ്സ് അസോസിയേഷൻ മുഖ്യമന്ത്രിക്ക് വിശദമായ കത്തും നല്‍കിയിരുന്നു.
TAGS : HEMA COMMITTEE REPORT | PRODUCERS ASSOCIATION
SUMMARY : There is also a dispute in the producers’ association over the Hema committee report
