ഐപിഎൽ ടിക്കറ്റ് കരിഞ്ചന്തയിൽ; നാലുപേർ അറസ്റ്റിൽ

ബെംഗളൂരു : ഐപിഎൽ ക്രിക്കറ്റ് മത്സരത്തിന്റെ ടിക്കറ്റ് കരിഞ്ചന്തയിൽ വിൽപന നടത്തിയ നാലുപേരെ സെൻട്രൽ ക്രൈം ബ്രാഞ്ച് പോലീസ് അറസ്റ്റുചെയ്തു. ശനിയാഴ്ച എം. ചിന്നസ്വാമി സ്റ്റേഡിയത്തിൽ നടന്ന റോയൽ ചലഞ്ചേഴ്‌സ് ബെംഗളൂരു-ചെന്നൈ സൂപ്പർ കിങ്‌സ് മത്സരത്തിന്‍റെ ടിക്കറ്റുകള്‍ ആണ് ഇവര്‍ കരിഞ്ചന്തയിൽ വിൽപന നടത്തിയത്. 32 ടിക്കറ്റുകൾ പോലീസ് പിടിച്ചെടുത്തു.

യെശ്വന്തപുര പൈപ്പ് ലൈൻ റോഡില്‍ നിന്നും 12 ടിക്കറ്റുകൾ പോലീസ് ആദ്യം  പിടിച്ചെടുത്തു. തുടര്‍ന്ന് നടത്തിയ അന്വേഷണത്തില്‍ 20 ടിക്കറ്റുകളും നാല് മൊബൈൽ ഫോണുകളും ഒരു ലക്ഷം രൂപയും പിടിച്ചെടുത്തു. പിടിയിലായവരിൽ ഒരാൾ കർണാടക ക്രിക്കറ്റ് അസോസിയേഷന്റെ താത്കാലിക അംഗമാണ്. 1,200 രൂപയുടെ ടിക്കറ്റ് ഇവർ 10,000 രൂപയ്ക്കാണ് കരിഞ്ചന്തയിൽ വിറ്റതെന്ന് പോലീസ് പറഞ്ഞു.

<br>
TAGS : IPL| BLACK MARKET
SUMMARY : IPL tickets on black market; four arrested