ഐസിയു പീഡനക്കേസില് അതിജീവിതയെ പിന്തുണച്ച നഴ്സ് പി. ബി. അനിതയെ കോഴിക്കോട് മെഡിക്കല് കോളേജിൽ തന്നെ നിയമിച്ച് ഉത്തരവിറക്കി. സംസ്ഥാന മെഡിക്കല് വിദ്യാഭ്യാസ ഡയറക്ടറാണ് ഉത്തരവിറക്കിയത്. ഹൈക്കോടതിയുടെ അന്തിമവിധിയ്ക്ക് വിധേയമായാണ് നിയമനം. ആരോഗ്യമന്ത്രി വീണാ ജോര്ജ് ഡിഎംഒയ്ക്ക് നിര്ദേശം നല്കിയതിന് പിന്നാലെയാണ് അനിതയുടെ നിയമന ഉത്തരവിറങ്ങിയത്.
ഹൈക്കോടതി ഉത്തരവ് ഉണ്ടായിട്ടും നിയമനം നല്കാത്തതില് പ്രതിഷേധിച്ച് പി.ബി. അനിത സമരം തുടരുന്നതിനിടെയാണ് പുനര്നിയമന ഉത്തരവ് വരുന്നത്. ഐസിയു പീഡനക്കേസ് അതിജീവിതയും സമരത്തിന്റെ ഭാഗമായി അനിതയ്ക്കൊപ്പമുണ്ടായിരുന്നു. ജോലിയില് തിരിച്ചെടുക്കാതെ പിന്നോട്ടില്ല എന്ന നിലപാടില് ഉറച്ചുനില്ക്കുകയായിരുന്നു അനിതയും. അതിജീവിതയെ ആശുപത്രി ജീവനക്കാരായ അഞ്ചു പേര് ഭീഷണിപ്പെടുത്തിയത് അനിതയുടെ നിരുത്തരവാദപരമായ സമീപനം കൊണ്ടാണ് എന്നായിരുന്നു ഡിഎംഇ റിപ്പോര്ട്ട്. ഇതിന്റെ അടിസ്ഥാനത്തിലാണ് ഇടുക്കി മെഡിക്കല് കോളേജിലേക്ക് അനിതയെ സ്ഥലം മാറ്റിയിരുന്നത്.
The post ഐസിയു പീഡനക്കേസില് അതിജീവിതയ്ക്കൊപ്പം നിന്ന അനിതക്ക് കോഴിക്കോട് മെഡിക്കല് കോളേജിൽ തന്നെ നിയമനം appeared first on News Bengaluru.
Powered by WPeMatico
