കാണാതായ കോൺഗ്രസ് പ്രവർത്തകനെ മരിച്ച നിലയിൽ കണ്ടെത്തി

ബെംഗളൂരു: ദക്ഷിണ കന്നഡയിൽ നിന്നും കാണാതായ കോൺഗ്രസ് പ്രവർത്തകന്റെ മൃതദേഹം കണ്ടെത്തി. മാർച്ച്‌ 28 മുതൽ കാണാതായ പദ്മനാഭ സാമന്തിൻ്റെ (34) മൃതദേഹമാണ് വാമദപടവുവിലെ കാടിനുള്ളിലുള്ള മരത്തിൽ തൂങ്ങിമരിച്ച നിലയിൽ കണ്ടെത്തിയത്.

സാമന്ത് തിമരദ്ദ ഗ്രാമത്തിലെ താമസക്കാരനാണ്. ജില്ലയിലെ പിന്നാക്ക വിഭാഗ യൂണിറ്റ് വൈസ് പ്രസിഡൻ്റായിരുന്നു. മംഗളൂരുവിൽ കാറ്ററിംഗ് ജോലി ചെയ്തിരുന്ന സാമന്ത് രണ്ടോ മൂന്നോ ദിവസം കൂടുമ്പോൾ മാത്രമാണ് വീട്ടിൽ വന്നിരുന്നത്.

മാർച്ച് 28 ന് പലതവണ ഫോണിൽ വിളിച്ചെങ്കിലും മറുപടി ലഭിക്കാത്തതിനാൽ വീട്ടുകാർ പോലീസിൽ പരാതി നൽകി. തുടർന്ന് നടത്തിയ അന്വേഷണത്തിലാണ് സാമന്തിന്റെ മൃതദേഹം കണ്ടെടുത്തത്. ആത്മഹത്യയാണെന്നാണ് പ്രാഥമിക നിഗമനം. എന്നാൽ ആത്മഹത്യ കുറിപ്പൊന്നും ലഭിച്ചിട്ടില്ല. ഉപമുഖ്യമന്ത്രി ഡി. കെ. ശിവകുമാർ ഉൾപ്പെടെ നിരവധി കോൺഗ്രസ് നേതാക്കൾ അനുശോചനം രേഖപ്പെടുത്തി.

The post കാണാതായ കോൺഗ്രസ് പ്രവർത്തകനെ മരിച്ച നിലയിൽ കണ്ടെത്തി appeared first on News Bengaluru.