ബെംഗളൂരു: ജോലി ചെയ്യുന്നതിനിടെ തടസപ്പെടുത്തിയെന്ന് ചൂണ്ടിക്കാട്ടി യാത്രക്കാരിക്കെതിരെ പരാതി നൽകി ബിഎംടിസി കണ്ടക്ടർ. ഹൊന്നപ്പയാണ് തൻസില ഇസ്മയിലിനെതിരെ സിദ്ധാപുര പോലീസ് സ്റ്റേഷനിൽ പരാതി നൽകിയത്.
മാർച്ച് 26ന് ടിക്കറ്റ് നൽകുന്നതുമായി ബന്ധപ്പെട്ട തർക്കത്തിനൊടുവിൽ കണ്ടക്ടർ ഹൊന്നപ്പ യുവതിയെ മർദിച്ചിരുന്നു. ഇതിനു പിന്നാലെ യുവതി പോലീസിൽ പരാതി നൽകി. തുടർന്ന് ഹൊന്നപ്പയെ സിദ്ധാപുര പോലീസ് അറസ്റ്റ് ചെയ്തിരുന്നു. അടുത്തിടെയാണ് ഇയാൾ ജാമ്യത്തിൽ പുറത്തിറങ്ങിയത്.
തൻസിലയാണ് അകാരണമായി തന്നെ ആദ്യം മർദിച്ചതെന്നും ഇതിന് പകരമായാണ് തിരികെ മർദിച്ചതെന്നും ഹൊന്നപ്പ പരാതിയിൽ പറഞ്ഞു. സംഭവത്തിൽ കേസെടുത്ത പോലീസ് ചോദ്യം ചെയ്യലിന് ഹാജരാകാൻ യുവതിക്ക് നോട്ടീസ് നൽകി.
The post ജോലി ചെയ്യുന്നതിനെ തടസപ്പെടുത്തി; യാത്രക്കാരിക്കെതിരെ പരാതിയുമായി ബിഎംടിസി കണ്ടക്ടർ appeared first on News Bengaluru.
Powered by WPeMatico
