ഡെലിവറി സമയം പത്ത് മിനിട്ടാക്കി കുറച്ച് സ്വിഗി ബോൾട്ട്. ഉപഭോക്താവിൻ്റെ ലൊക്കേഷനിൽ നിന്ന് 2 കിലോമീറ്റർ ചുറ്റളവിലുള്ള ജനപ്രിയ റെസ്റ്റോറൻ്റുകളിൽ നിന്നോ സ്വിഗ്ഗി ബോൾട്ട് ക്വിക്ക് സർവീസ് റെസ്റ്റോറൻ്റുകളിൽ നിന്നോ ഓർഡർ ചെയ്യുന്നവർക്കാണ് ഈ ഫീച്ചർ ലഭ്യമാകുക. ബർഗറുകൾ, ചൂടുള്ള പാനീയങ്ങൾ, ശീതള പാനീയങ്ങൾ, ബ്രേക്ക്ഫാസറ്റ് ഇനങ്ങൾ, ബിരിയാണി എന്നിവ പോലെ ഏറ്റവും കുറഞ്ഞ തയ്യാറെടുപ്പ് സമയം ആവശ്യമുള്ള വിഭവങ്ങൾക്കാണ് പുതിയ സർവീസ് സ്വിഗി വാഗ്ദാനം ചെയ്യുന്നത്.
ഐസ് ക്രീം, മധുരപലഹാരങ്ങൾ, ലഘുഭക്ഷണങ്ങൾ തുടങ്ങിയ റെഡി-ടു-പാക്ക് വിഭവങ്ങളും ഇതിൽ ഉൾപ്പെടും. പത്ത് വർഷം മുമ്പ്, ഒരു ഓർഡറിന്റെ ശരാശരി കാത്തിരിപ്പ് സമയം 30 മിനിറ്റായി കുറച്ചുകൊണ്ട് സ്വിഗ്ഗി ഭക്ഷ്യ വിതരണത്തിൽ വിപ്ലവം സൃഷ്ടിച്ചിരുന്നു. 2022-ൽ സൊമാറ്റോ 10 മിനിറ്റിനുള്ളിൽ ഡെലിവറി നടത്താനായുള്ള പ്രോഗ്രാമിനായി ശ്രമിച്ചിരുന്നെങ്കിലും നടന്നിരുന്നില്ല. പകരം താരതമ്യേന കുറഞ്ഞ സമയത്തിൽ ഡെലിവറി നടത്തുന്ന സൊമാറ്റോ എവരിഡേ പുറത്തിറക്കുകയുണ്ടായി.
ക്വിക്ക് കൊമേഴസ് പ്ലാറ്റ്‌ഫോമായ സെപ്പ്റ്റോയും സെപ്പ്റ്റോ കഫേ എന്ന പേരിൽ 10 മിനിറ്റിൽ ഭക്ഷണം ഡെലിവർ ചെയ്യുന്നുണ്ട്. എന്നാൽ ഇത് സ്വിഗ്ഗിയെ പോലെ റെസ്റ്റോറൻ്റുകളിൽ നിന്നല്ല ഭക്ഷണം എത്തിക്കുന്നത്. പകരം അതിൻ്റെ ഡാർക്ക് സ്റ്റോറുകളിൽ നിന്നോ മൈക്രോ വെയർഹൗസുകളിൽ നിന്നോ ആണ്.
TAGS: NATIONAL | SWIGGY
SUMMARY: Swiggy bolt reduces delivery time to 10 mints
