കൊച്ചി: അങ്കമാലിയില് വൻ തീപിടിത്തം. സ്റ്റേഷനറികടയുടെ ഗോഡൗണിലാണ് തീപിടിത്തമുണ്ടായത്. ഒരു തൊഴിലാളിക്ക് പൊള്ളലേറ്റു. തീയണക്കാൻ ഫയർഫോഴ്സ് സംഘം ശ്രമം തുടരുകയാണ്. ഇന്ന് വൈകിട്ട് നാലുമണിയോടെയാണ് അങ്കമാലി റെയില്വേ സ്റ്റേഷന്റെ മുൻഭാഗത്തുള്ള ബാബു സ്റ്റേഷനറികടയുടെ ഗോഡൗണില് തീപിടിത്തമുണ്ടായത്. പിന്നാലെ ഗോഡൗണിലുണ്ടായിരുന്ന തൊഴിലാളികള് ഓടിരക്ഷപ്പെട്ടതിനാല് വൻദുരന്തമാണ് ഒഴിവായത്.
വിവരമറിഞ്ഞയുടൻ നാല് ഫയർഫോഴ്സ് സംഘം സ്ഥലത്തെത്തി തീയണക്കാനുള്ള ശ്രമങ്ങള് ആരംഭിച്ചു. ഗോഡൗണ് പൂർണമായും കത്തിനശിച്ചെന്നാണ് വിവരം. ഓണക്കാലമായതിനാല് വലിയതോതില് സാധനങ്ങള് ഇവിടെ സൂക്ഷിച്ചിരുന്നു. ഇതെല്ലാം കത്തിനശിച്ചു. തീപിടിത്തത്തിന്റെ കാരണം വ്യക്തമല്ല.
SUMMARY: Major fire at a business establishment in Angamaly; one person sustained burns
