ബെംഗളൂരു: ബെംഗളൂരുവിൽ യുവാവിനെ കൊല്ലപ്പെട്ട നിലയിൽ കണ്ടെത്തി. മൈസൂരു റോഡിനടുത്തുള്ള അഞ്ചെപാളയയിൽ നിന്നുള്ള സമീർ (26) ആണ് മരിച്ചത്. വെസ്റ്റ് ബെംഗളൂരുവിൽ തിങ്കളാഴ്ചയാണ് സമീറിന്റെ മൃതദേഹം കണ്ടത്. രക്തത്തിൽ കുളിച്ച നിലയിൽ ബീറ്റ് പോലീസ് ഉദ്യോഗസ്ഥരാണ് മൃതദേഹം കണ്ടത്.
മൃതദേഹത്തിനരികിൽ നിന്ന് കിട്ടിയ തിരിച്ചറിയൽ രേഖകളിൽ നിന്നാണ് മരിച്ചത് സമീർ ആണെന്ന് പോലീസ് സ്ഥിരീകരിച്ചത്. ഏപ്രിൽ 6ന് രാത്രി 9.30 നും ഏപ്രിൽ 7 ന് രാവിലെ 6 നും ഇടയിലാണ് കൊലപാതകം നടന്നതെന്നാണ് പോലീസിന്റെ പ്രാഥമിക നിഗമനം. മരിച്ചയാളുടെ ബന്ധുക്കളെ തിരിച്ചറിഞ്ഞതായും, ഇവരെ ബന്ധപ്പെടാനുള്ള ശ്രമത്തിലാണെന്നും പോലീസ് പറഞ്ഞു. പ്രദേശത്തു നിന്നുള്ള സിസിടിവി ദൃശ്യങ്ങൾ പരിശോധിച്ചുകൊണ്ടിരിക്കുകയാണ്.സംഭവത്തിൽ കൊലപാതകത്തിനു കേസെടുത്തിട്ടുണ്ടെന്നും കെംഗേരി പോലീസ് അറിയിച്ചു.
TAGS: BENGALURU | MURDER
SUMMARY: Man found dead in suspected murder case in Bengaluru
