ബെംഗളൂരു: വൈദ്യുത ഷോർട്ട് സർക്യൂട്ടിനെ തുടർന്നുണ്ടായ തീപ്പിടുത്തത്തിൽ രാമനഗരയിൽ വീട് കത്തിനശിച്ചു. ശനിയാഴ്ച രാവിലെ വഡേരഹള്ളി ഗ്രാമത്തിലെ വീട്ടിലാണ് തീപിടുത്തമുണ്ടായത്. എയർ കണ്ടീഷണറിലെ വൈദ്യുത ഷോർട്ട് സർക്യൂട്ട് ആണ് അപകടത്തിനു കാരണമെന്നാണ് പോലീസിന്റെ പ്രാഥമിക നിഗമനം. ആളപായമില്ല.
ഗുരു എന്നയാളുടെ വീട്ടിലാണ് തീപിടുത്തമുണ്ടായത്. രാവിലെ 6 മണിയോടെ കുടുംബാംഗങ്ങൾ ഉറങ്ങിക്കിടക്കുമ്പോഴാണ് വീട്ടിൽ തീപിടിത്തം ഉണ്ടായത്. വീട്ടിനുള്ളിൽ നിന്നും പുക ഉയർന്നതോടെ വീട്ടുകാർ ഉടൻ അവശ്യസാധനങ്ങൾ എടുത്ത് വീട്ടിൽ നിന്ന് പുറത്തേക്കിറങ്ങി. തുടർന്ന് ഫയർ ഫോഴ്സിൽ വിവരം അറിയിച്ചു. ഫയർ ഫോഴ്സ് എത്തുമ്പോഴേക്കും വീട് മുഴുവനായും തീ പടർന്നിരുന്നു. മണിക്കൂറുകൾ പരിശ്രമിച്ചാണ് ഫയർ ഫോഴ്സ് തീയണച്ചത്. സംഭവത്തിൽ രാമനഗര റൂറൽ പോലീസ് കേസെടുത്തു.
TAGS: KARNATAKA | FIRE ACCIDENT
SUMMARY: House engulfed in fire after short circuit in air-conditioner
