മേൽപ്പാലത്തിൽ നിന്ന് സ്കൂട്ടർ താഴേയ്ക്ക് പതിച്ചുണ്ടായ അപകടത്തിൽ യുവതിക്ക് ദാരുണാന്ത്യം. തിരുവനന്തപുരം വെൺപാലവട്ടത്ത് ഇന്നുച്ചയ്ക്ക് ഒരുമണിയോടെയായിരുന്നു സംഭവം. അപകടത്തിൽ ഗുരുതരമായി പരിക്കേറ്റ കോവളം വെള്ളാർ സ്വദേശി സിമിയാണ് (32) മരിച്ചത്.
കൊല്ലം മയ്യനാട് മരണാനന്തര ചടങ്ങില് പങ്കെടുത്ത് മടങ്ങി വരുമ്പോഴാണ് അപകടം സംഭവിച്ചത്. സിമിയുടെ മൂന്ന് വയസുള്ള കുഞ്ഞും സഹോദരി സിനിയും ആശുപത്രിയില് ചികിത്സയില് തുടരുകയാണ്. കോവളത്തേക്കുള്ള യാത്രയ്ക്കിടെ മേല്പ്പാലത്തില് വച്ച് നിയന്ത്രണം നഷ്ടപ്പെട്ട സ്കൂട്ടര് കൈവരിയില് ഇടിച്ച് താഴേക്ക് പതിക്കുകയായിരുന്നുവെന്നാണ് പ്രാഥമിക നിഗമനം. വണ്ടിയുടെ പിറകിലിരുന്ന് യാത്ര ചെയ്യുകയായിരുന്നു സിമി. സംഭവത്തിൽ കൂടുതൽ അന്വേഷണത്തിനുശേഷം മാത്രമേ അപകടകാരണം വ്യക്തമാവുകയുള്ളൂവെന്ന് പോലീസ് പറഞ്ഞു.
<br>
TAGS : ACCIDENT | KERALA
SUMMARY : Scooter falls down from flyover and accident; A tragic end for the 32-year-old
