തിരുവനന്തപുരം: സംസ്ഥാനത്ത് സ്വര്ണവിലയില് വീണ്ടും വർധനവ്. ഈ മാസത്തെ ഏറ്റവും ഉയര്ന്ന നിലവാരത്തിലാണ് വെള്ളിയാഴ്ച സ്വര്ണവില. 200 രൂപ വര്ധിച്ച് ഒരു പവന് സ്വര്ണത്തിന്റെ വില 58,280 രൂപയായി. ഗ്രാമിന് 25 രൂപയാണ് വര്ധിച്ചത്. 7285 രൂപയാണ് ഇന്ന് ഒരു ഗ്രാം സ്വര്ണത്തിന്റെ വില. നേരത്തെ ഡിസംബർ 11,12 തീയതികളിലും പവന് 58,280 രൂപയിലെത്തിയിരുന്നു.
ഈ മാസത്തിന്റെ തുടക്കത്തില് 57,200 രൂപയായിരുന്നു ഒരു പവന് സ്വര്ണത്തിന്റെ വില. പത്തുദിവസം കൊണ്ട് ആയിരം രൂപയുടെ വര്ധനയാണ് ഉണ്ടായിരിക്കുന്നത്. മൂന്നാം തീയതി 58,000ന് മുകളില് എത്തിയ സ്വര്ണവില അടുത്ത ദിവസം 58,000ല് താഴെ പോയി. തുടര്ന്ന് ഏതാനും ദിവസം മാറ്റമില്ലാതെ തുടര്ന്ന സ്വര്ണവില കഴിഞ്ഞ ദിവസമാണ് വീണ്ടും 58,000ന് മുകളില് എത്തിയത്.
TAGS : GOLD RATES
SUMMARY : Gold rate is increased
