ഡല്ഹി: കുവൈറ്റില് നിന്നും ഡല്ഹിയിലേക്കുള്ള ഇൻഡിഗോ വിമാനത്തിന് ബേംബ് ഭീഷണി. ഭീഷണിയെ തുടർന്ന് വിമാനം അഹമ്മദാബാദിലേക്ക് വഴി തിരിച്ചുവിട്ടു. ടിഷ്യു പേപ്പറിലാണ് ഭീഷണി സന്ദേശം ലഭിച്ചത്. യാത്രക്കാർ സുരക്ഷിതരെന്നും എല്ലാ പരിശോധനകളും പൂർത്തിയാക്കിയതായും ഇൻഡിഗോ കമ്പനി അറിയിച്ചു. 180 യാത്രഡക്കാരായിരുന്നു വിമാനത്തില് ഉണ്ടായിരുന്നത്.
യാത്രാമധ്യേയാണ് ഭീഷണി സന്ദേശം ലഭിച്ചത്. വിമാനത്തില് ബോംബ് സ്ഥാപിച്ചിട്ടുണ്ടെന്ന് ടിഷ്യു പേപ്പറില് എഴുതിയ നിലയില് കണ്ടെത്തുകയായിരുന്നു. സന്ദേശം ശ്രദ്ധയില്പ്പെട്ടതിനെ തുടർന്ന് പൈലറ്റിനെ അറിയിക്കുകയായിരുന്നു. തുടർന്ന് വിവരം എടിസിയെ അറിയിക്കുകയും വിമാനം വഴി തിരിച്ചുവിടുകയുമായിരുന്നു. ബോംബ് ഭീഷണിയെ തുടർന്ന് ലഗേജ് ഉള്പ്പെടെ പരിശോധിച്ചു. സംഭവത്തില് അന്വേഷണം ആരംഭിച്ചു.
SUMMARY: Bomb threat; Kuwait-Delhi IndiGo flight lands in Ahmedabad
