ബെംഗളൂരു: മലയാളം മിഷൻ കർണാടക ചാപ്റ്റർ വനിതാദിനാഘോഷവും പ്രവര്ത്ത സമിതിയോഗവും പഠനോത്സവ സര്ട്ടിഫിക്കറ്റ് വിതരണവും മാർച്ച് 8 ന് രാവിലെ 10.30 മുതൽ വിജനപുര ജൂബിലി സ്കൂളില് നടക്കും. വനിതാദിനാഘോഷങ്ങളുടെ ഭാഗമായി വിവിധ മത്സരങ്ങള് ഉണ്ടായിരിക്കും.
10 വയസ്സിൽ താഴെ ഉള്ള കുട്ടികൾക്കായി വനിതാദിന പ്രശ്നോത്തരി സംഘടിപ്പിക്കും. മത്സരത്തില് കുട്ടിയും രക്ഷിതാവും എന്ന രീതിയിൽ രണ്ടു പേരുടെ ടീമായി ഇതിൽ പങ്കെടുക്കാം. ജൂനിയർ വിഭാഗം കുട്ടികൾക്കായി (10-13 വയസ്) പ്രസംഗമത്സരം നടത്തും. ‘എനിക്ക് ഏറ്റവും ഇഷ്ടപ്പെട്ട സ്ത്രീ’ എന്നതാണ് വിഷയം.3 മിനിറ്റിൽ സംസാരിക്കണം. സീനിയർ വിഭാഗത്തില് (13 വയസിനു മുകളിൽ) ‘ക്ലാസ്സ് മുറികളിലെ സമത്വം’ എന്ന വിഷയത്തിൽ 5 മിനിറ്റിൽ സംസാരിക്കണം.
പങ്കെടുക്കാൻ താല്പര്യമുള്ള കുട്ടികള് മാർച്ച് 3 ന് മുമ്പായി താഴെ കൊടുത്തിരിക്കുന്ന ഗൂഗിൾ ഫോമിൽ രജിസ്റ്റർ ചെയ്യുക.
https://forms.gle/9qotaxQsySEzkG9w7
പ്രശ്നോത്തരി മത്സരത്തിൽ രജിസ്റ്റർ ചെയ്ത കുട്ടികളുടെ എണ്ണം കൂടുതൽ ആവുകയാണെങ്കിൽ മാർച്ച് 5 ന് വൈകുന്നേരം ആദ്യ റൗണ്ട് മത്സരം ഓൺലൈനിൽ നടത്തുന്നതായിരിക്കും.
SUMMARY: Malayalam Mission Karnataka Chapter Women’s Day celebration on March 8
