തിരുവനന്തപുരം: നഗരൂരില് പോലീസ് ജീപ്പ് തടഞ്ഞുനിർത്തി ഉദ്യോഗസ്ഥരെ അസഭ്യം പറയുകയും ഭീഷണിപ്പെടുത്തുകയും ചെയ്ത സംഭവത്തില് രണ്ട് ഡിവൈഎഫ്ഐ പ്രവർത്തകരെ പോലീസ് അറസ്റ്റ് ചെയ്തു. രതീഷ്, വിഷ്ണു എന്നിവരെയാണ് ആറ്റിങ്ങല് ഡിവൈഎസ്പിയുടെ സ്ക്വാഡ് പിടികൂടിയത്. കണ്ടാലറിയാവുന്ന ഒൻപത് സിപിഎം-ഡിവൈഎഫ്ഐ പ്രവർത്തകർക്കെതിരെ ജാമ്യമില്ലാ വകുപ്പുകള് പ്രകാരം കേസെടുത്തിട്ടുണ്ട്.
പ്രദേശത്തെ കോണ്ഗ്രസ് ഫ്ലക്സ് ബോർഡുകള് നശിപ്പിച്ചതുമായി ബന്ധപ്പെട്ട കേസില് പ്രതികളായവർക്ക് നോട്ടീസ് നല്കി മടങ്ങുകയായിരുന്നു പോലീസ് സംഘം. നഗരൂർ ജംഗ്ഷന് സമീപം വെച്ച് ആള്ട്ടോ കാറിലെത്തിയ സംഘം പോലീസ് ജീപ്പിനെ ഓവർടേക്ക് ചെയ്ത് തടയുകയായിരുന്നു. കാറില് നിന്നിറങ്ങിയ സംഘം എസ്.എച്ച്.ഒ അടക്കമുള്ള ഉദ്യോഗസ്ഥരെ പരസ്യമായി അസഭ്യം പറയുകയും ഭീഷണിപ്പെടുത്തുകയും ചെയ്തു. സംഭവത്തിന്റെ ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിച്ചിരുന്നു.
SUMMARY: Police jeep stopped: Two arrested
WhatsApp
Telegram
