കൊച്ചി: പുതുവൈപ്പിനില് മത്സ്യബന്ധന ബോട്ട് മറിഞ്ഞ് അപകടം. അപകടത്തില് ഒരു മത്സ്യത്തൊഴിലാളി മരിച്ചു. നീര്ക്കുന്നം സ്വദേശി രഞ്ജനാണ് മരിച്ചത്. അപകടത്തില്പ്പെട്ട അഞ്ച് മത്സ്യത്തൊഴിലാളികളെ രക്ഷപ്പെടുത്തി. ഇന്ന് പുലര്ച്ചെ അഞ്ച് മണിയോടെയാണ് അപകടമുണ്ടായത്. ‘സെന്റ് സേവ്യര്’ എന്ന ബോട്ടാണ് അപകടത്തില്പ്പെട്ടതെന്ന് തീരദേശ പോലീസ് പറഞ്ഞു.
അപകടം നടന്ന ഉടന് രക്ഷാപ്രവര്ത്തനം ആരംഭിക്കുകയും ബോട്ടിലുണ്ടായിരുന്ന ആറ് പേരെയും കരയ്ക്കെത്തിക്കുകയും ചെയ്തിരുന്നു. തുടര്ന്ന് ആശുപത്രിയിലെത്തിച്ച രഞ്ജന്റെ ജീവന് രക്ഷിക്കാനായില്ല. കടലില് മുങ്ങിയ ബോട്ട് വീണ്ടെടുക്കാനുള്ള ശ്രമം തുടങ്ങി. അപകടത്തില് നിന്ന് രക്ഷപ്പെട്ട മത്സ്യത്തൊഴിലാളികളുടെ മൊഴി പോലീസ് രേഖപ്പെടുത്തും. അപകടത്തിന്റെ കാരണം വ്യക്തമല്ല.
SUMMARY: One person dies after fishing boat capsizes in Puthu Vypeen
