ഡൽഹി: ഇന്ത്യൻ ജനാധിപത്യ ചരിത്രത്തില് ആദ്യമായി, മുഖ്യ തിരഞ്ഞെടുപ്പ് കമ്മീഷണറെ സ്ഥാനത്തുനിന്ന് നീക്കം ചെയ്യണമെന്ന് ആവശ്യപ്പെട്ട് പ്രതിപക്ഷ എം.പിമാർ പാർലമെന്റില് നോട്ടീസ് സമർപ്പിച്ചു. മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെയാണ് ‘ഇന്ത്യ’ സഖ്യത്തിലെ 193 എംപിമാർ ഒപ്പിട്ട നോട്ടീസ് ലോക്സഭയിലും രാജ്യസഭയിലും നല്കിയത്. ലോക്സഭയിലെ 130 എംപിമാരും രാജ്യസഭയിലെ 63 എംപിമാരും ചേർന്നാണ് സംയുക്തമായി ഈ നീക്കം നടത്തിയത്.
തൃണമൂല് കോണ്ഗ്രസ് മുൻകൈയെടുത്ത ഈ നീക്കത്തിന് കോണ്ഗ്രസ് ഉള്പ്പെടെയുള്ള പ്രതിപക്ഷ പാർട്ടികള് പൂർണ പിന്തുണ നല്കി. ഭരണഘടനാ പദവിയിലിരുന്ന് ഏകപക്ഷീയമായും വിവേചനപരമായും പെരുമാറി, വോട്ടർ പട്ടിക പുതുക്കുന്നതിലെ ക്രമക്കേടുകള് വഴി ലക്ഷക്കണക്കിന് ആളുകളെ വോട്ടർ പട്ടികയില് നിന്ന് ഒഴിവാക്കി, തിരഞ്ഞെടുപ്പ് തട്ടിപ്പുകളെക്കുറിച്ചുള്ള അന്വേഷണങ്ങള് തടസപ്പെടുത്തി എന്നിവയാണ് പ്രധാന കുറ്റാരോപണങ്ങള്.
SUMMARY: Opposition issues impeachment notice against Chief Election Commissioner
