തിരുവനന്തപുരം: വേനലവധിക്കാലത്ത് ഭൂട്ടാനിലേക്കും ഇന്ത്യയുടെ വടക്കുകിഴക്കൻ സംസ്ഥാനങ്ങളിലേക്കും സ്പെഷ്യൽ ട്രെയിനിൽ യാത്ര ചെയ്യാൻ അവസരമൊരുങ്ങുന്നു. ഇന്ത്യൻ റെയിൽവേയുടെ ഭാരത് ഗൗരവ് ട്രെയിനിന് കീഴിലുള്ള സൗത്ത് സ്റ്റാർ റെയിലാണ് സമ്മർ സ്പെഷ്യൽ ടൂർ പാക്കേജ് ഒരുക്കിയിരിക്കുന്നത്. ഏപ്രിൽ 25-ന് തുടങ്ങി രണ്ടാഴ്ച നീളുന്ന മൂന്ന് പാക്കേജുകളാണ് ഇത്തവണ സംഘടിപ്പിക്കുന്നത്. മധുരയിൽ നിന്നാണ് ട്രെയിൻ യാത്ര പുറപ്പെടുന്നത്. തിരുവനന്തപുരം, കൊല്ലം, കായംകുളം, കോട്ടയം, എറണാകുളം, തൃശൂർ ,ഒറ്റപ്പാലം, പാലക്കാട്,എന്നിവിടങ്ങളിൽ സ്റ്റോപ്പുണ്ട്.
ആദ്യത്തെ പാക്കേജിൽ ഗാങ്ടോക്, ഡാർജിലിങ്ങ് തുടങ്ങിയ നഗരങ്ങളും രണ്ടാമത്തെ പാക്കേജിൽ വടക്കുകിഴക്കൻ സംസ്ഥാനങ്ങളിലെ ഗുവാഹത്തി, ഷില്ലോങ്ങ്, ചിറാപുഞ്ചി, മൗലിനോങ്, ഡൗകി എന്നിവിടങ്ങളും മൂന്നാമത്തെ പാക്കേജിൽ ഭൂട്ടാനിലെ തിമ്പു, പുനാഖ, പാറോ, ചെലെ ലാ പാസ് തുടങ്ങിയ സ്ഥലങ്ങളുമാണുള്ളത്.
യാത്രയിലുടനീളം ഇൻഷ്വറൻസ്, ഹോട്ടലുകളിലെ താമസ സൗകര്യം, കാഴ്ചകൾ കാണാനുള്ള വാഹനങ്ങൾ, പരിധികളില്ലാതെ ദക്ഷിണേന്ത്യൻ വിഭവങ്ങൾ എന്നിവ ലഭിക്കും. രാത്രി താമസം, ലഗേജ് സൂക്ഷിക്കാനുള്ള സൗകര്യം, എൽടിസി/എൽഎഫ്സി സൗകര്യം എന്നിവയും ഒരുക്കിയിട്ടുണ്ട്.
ഡാർലിങ് & ഗാങ്ടോക് പാക്കേജിൽ സ്ലീപ്പർ ക്ലാസ് 45950 രൂപ, തേർഡ് എസി 53300 രൂപ, സെക്കൻഡ് എസി 66500 രൂപ, ഫസ്റ്റ് എസി 72100 രൂപ , നോർത്ത് ഈസ്റ്റ് പാക്കേജിൽ സ്ലീപ്പർ ക്ലാസ് 59350 രൂപ, തേർഡ് എസി 64350 രൂപ, സെക്കന്റ് എസി 74450 രൂപ, ഫസ്റ്റ് എസി 79950 രൂപ , ഭൂട്ടാൻ പാക്കേജിൽ സ്ലീപ്പർ ക്ലാസ്സ് 76950 രൂപ, തേർഡ് എസി 83500 രൂപ, സെക്കന്റ് എസി 94950 രൂപ, ഫസ്റ്റ് എസി 97900 രൂപ എന്നിങ്ങനെയാണ് നിരക്കുകൾ. ബുക്കിംഗിനും മറ്റും വിവരങ്ങൾക്കും www.tourtimes.in സന്ദർശിക്കുകയോ 7305 85 85 85 എന്ന നമ്പറിൽ വിളിക്കുകയോ ചെയ്യുക.
SUMMARY: 14-day summer special train journey to Bhutan and northeastern states
