ബെംഗളൂരു: പിറന്നാൾദിനത്തിൽ വൻ മയക്കു മരുന്ന് പാർട്ടി സംഘടിപ്പിച്ച് മൈസൂരുവിൽ ഗുണ്ടാനേതാവ്. കൊല്ലേഗലിലെ ഫയാസ് ഖാൻ എന്നയാളുടെ ഉടമസ്ഥതയിലുള്ള ഒരു ഫാം ഹൗസിലാണ് മയക്കുമരുന്ന് പാർട്ടി നടത്തിയത്. ബെംഗളൂരുവിലെ ഒട്ടേറെ കേസുകളിലെ പ്രതിയായ സഹീർ ഖാൻ എന്ന ഖാലുവിന്റെ ജന്മദിനാഘോഷ ഭാഗമായാണ് പാർട്ടി. സംഭവത്തിൽ 16-പേരെ പോലീസ് അറസ്റ്റുചെയ്തു. ശനിയാഴ്ച രാത്രി നടന്ന പാർട്ടിയിൽ ബെംഗളൂരുവിൽനിന്നും കൊല്ലേഗലിലും നിന്നുമുള്ള സംഘമാണ് പങ്കെടുത്തിരുന്നത്.
കൊല്ലേഗൽ സർക്കിൾ ഇൻസ്പെക്ടർ ശിവമച്ചു ദയ്യക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന യൂനസ്, സദറുള്ള, ഇല്ലി യാസ് ഖാൻ, ഷസുദ്ദീൻ, പവൻ, സാദിഖ്, അജ്മൽ ബെയ്ഗ്, മുഹമ്മദ് ഷക്കീൽ, കു മാരസ്വാമി, നവീൻ രാജ് എന്നിവരുൾപ്പെടെയാണ് അറസ്റ്റിലായത്. ഒരാൾ പോലീസിനെക്കണ്ട് ഓടിരക്ഷപ്പെട്ടു. എം.ഡി.എം.എ., ചരസ്, കഞ്ചാവ് എന്നിവയാണ് കണ്ടെത്തിയ ലഹരിപദാർഥങ്ങൾ. പ്രതികൾ പാർട്ടിക്കെത്തിയ വാഹനങ്ങളും പോലീസ് പിടിച്ചെടുത്തു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
SUMMARY: Drug party on gangster’s birthday in Mysuru; 16 people arrested
