തിരുവനന്തപുരം: സംസ്ഥാനത്ത് ലോഡ് ഷെഡിങ് ഇല്ലെന്ന് ആവര്ത്തിച്ച് വൈദ്യുതി മന്ത്രി. കറന്റ് പോകുന്നത് സാങ്കേതിക തകരാറാണെന്നാണ് മന്ത്രി വിശദീകരിക്കുന്നത്. ഓവര് ലോഡ് വരുമ്പോള് ഡ്രിപ് ആകുന്നതാണ് കറന്റ് പോകാനുള്ള കാരണമെന്നും മന്ത്രി വിശദീകരിച്ചു. അസാധാരണ കാലാവസ്ഥയാണ് പ്രതിസന്ധിക്ക് കാരണം. ഉഷ്ണ തരംഗം ഉണ്ടാവുമെന്ന് പ്രതീക്ഷിച്ചിട്ടില്ലെന്നും മന്ത്രി പറഞ്ഞു. കെഎസ്ഇബി റെഗുലേറ്ററി കമ്മീഷൻ അംഗങ്ങളുമായുള്ള കൂടിക്കാഴ്ചയ്ക്ക് ശേഷം മാദ്ധ്യമങ്ങളോട് പ്രതികരിക്കുകയായിരുന്നു കെ കൃഷ്ണൻകുട്ടി.
പശ്ചിമേഷ്യന് യുദ്ധം, വൈദ്യുതി വാഹനം കൂടിയത് തുടങ്ങിയവയെല്ലാം പ്രതികൂല സാഹചര്യം സൃഷ്ടിച്ചു. ഉത്പാദന രംഗത്ത് ഒന്നും ചെയ്തില്ല എന്ന് പറയുന്നത് തെറ്റാണെന്നും മന്ത്രി പറഞ്ഞു. പ്രതിസന്ധി എങ്ങനെ പരിഹരിക്കാന് സാധിക്കുമെന്നാണ് റെഗുലേറ്ററി കമ്മീഷന് പ്രതിനിധികളും ഉദ്യോഗസ്ഥരുമായി കൂടിയാലോചിച്ചത്. പുറത്ത് നിന്നുള്ള വൈദ്യുതി ലഭിക്കുന്നതോടെ പ്രതിസന്ധി പരിഹരിക്കാനാവുമെന്നും മന്ത്രി വ്യക്തമാക്കി.
SUMMARY: There is no load shedding, it is electricity regulation that has been imposed; Minister Krishnankutty reiterates
WhatsApp
Telegram
