ബെംഗളൂരു: പ്രധാനമന്ത്രി നരേന്ദ്ര മോദിയുടെ സന്ദർശനത്തോടനുബന്ധിച്ചു ബെംഗളൂരു ട്രാഫിക് പോലീസ് എച്ച്എഎൽ ട്രാഫിക് പോലീസ് സ്റ്റേഷൻ പരിധിയിൽ ഇന്ന് താൽക്കാലിക ഗതാഗത നിയന്ത്രണങ്ങളും പാർക്കിംഗ് നിയന്ത്രണങ്ങളും ഏർപ്പെടുത്തി. എച്ച്എഎൽ വിമാനത്താവള റോഡിൽപുലർച്ചെ 5 മുതൽ വൈകിട്ട് 3 വരെയാണു നിയന്ത്രണം. ഓൾഡ് എയർപോർട്ട് റോഡിൽ എസ്ഡി റോഡ് ജംക്‌ഷൻ മുതൽ ട്രിനിറ്റി ജംക്‌ഷൻ, ഡിജിസിഎ ഓഫിസ്, അംബ്രല്ല ജംക്‌ഷൻ എന്നിവിടങ്ങളിൽ പാർക്കിങ് നിരോധിച്ചു.
നൈസ് റോഡിൽ രാവിലെ 9 മുതൽ വൈകിട്ട് 3 വരെയും നിയന്ത്രണം ഏര്‍പ്പെടുത്തിയിട്ടുണ്ട്. തുമക്കൂരു റോഡിൽ നിന്ന് കനക്പുര റോഡിലേക്കുള്ള വാഹനങ്ങൾ സിഎംടിഐ ജംക്‌ഷൻ, രാജ്കുമാർ പുണ്യഭൂമി റോഡ് വഴി പോകണമെന്നും വഴിതിരിച്ചുവിടൽ അടയാളങ്ങളും നിർദ്ദേശങ്ങളും പാലിക്കണമെന്നും ട്രാഫിക് പോലീസ് നിർദ്ദേശിച്ചു.
SUMMARY: PM’s visit; traffic restrictions in the city today
