കോട്ടയം: കെ എസ് ആര് ടി സി ബസും ട്രാവലറും കൂട്ടിയിടിച്ചുണ്ടായ അപകടത്തില് ഏഴു പേർക്ക് പരുക്ക്. ഈരാറ്റുപേട്ട വെള്ളിക്കുളം ഇഞ്ചപ്പാറയിലാണ് അപകടമുണ്ടായത്. പരുക്കേറ്റവരെ ആശുപത്രിയില് പ്രവേശിപ്പിച്ചു. ഇടിയുടെ ആഘാതത്തില് ട്രാവലറിനുള്ളില് കുടുങ്ങിയ ഡ്രൈവറെ വാഹനം പൊളിച്ചാണ് പുറത്തെടുത്തത്.
വാഗമണ്ണില് നിന്നും വിനോദസഞ്ചാരം കഴിഞ്ഞ് മടങ്ങുകയായിരുന്ന മണിമല സ്വദേശികള് സഞ്ചരിച്ചിരുന്ന ട്രാവലറാണ് അപകടത്തില്പ്പെട്ടത്. ട്രാവലറിന്റെ ബ്രേക്ക് നഷ്ടപ്പെട്ടതാണ് അപകടത്തിന് കാരണമായതെന്നാണ് പ്രാഥമിക നിഗമനം. അപകടത്തെ തുടർന്ന് വാഗമണ് റോഡില് ഗതാഗതക്കുരുക്ക് അനുഭവപ്പെട്ടു. പോലീസും ഫയർഫോഴ്സും സ്ഥലത്തെത്തി മേല് നടപടികള് സ്വീകരിച്ചു.
SUMMARY: KSRTC bus and traveler collide; seven injured
