എറണാകുളം: കോതമംഗലം വടാട്ടുപാറ പലവൻപടി പുഴയില് കുളിക്കാനിറങ്ങിയ മൂന്ന് ദന്തല് കോളേജ് വിദ്യാർഥികള് ഒഴുക്കില്പ്പെട്ട് മരിച്ചു. തിരുവല്ല സ്വദേശി ബിയോണ്, തിരുവനന്തപുരം സ്വദേശി ഹരീഷ്, കോട്ടയം സ്വദേശി അതുല് എന്നിവരാണ് അപകടത്തില് മരിച്ചത്. ഞായറാഴ്ച ഉച്ചയ്ക്ക് രണ്ട് മണിയോടെ ഒൻപതംഗ വിദ്യാർത്ഥി സംഘം പുഴയില് കുളിക്കാനിറങ്ങിയപ്പോഴായിരുന്നു അപകടം.
ഫയർഫോഴ്സും നാട്ടുകാരും ചേർന്ന് നടത്തിയ തിരച്ചിലിനൊടുവില് മൂവരെയും കണ്ടെത്തി ഉടൻ തന്നെ കോതമംഗലത്തെ സ്വകാര്യ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. വനമേഖലയിലൂടെ ഒഴുകുന്ന ഈ പുഴയില് ആഴമേറിയ കയങ്ങളും ശക്തമായ ഒഴുക്കുമുള്ളതിനാല് ഇവിടം അപകടമേഖലയായി നേരത്തെ തന്നെ അടയാളപ്പെടുത്തിയിട്ടുള്ളതാണ്.
SUMMARY: Three dental students drown while bathing in the river
