48 ടീമുകള് 12 ഗ്രൂപ്പുകള്, 1248 താരങ്ങള്, 16 വേദികള് 104 മത്സരങ്ങള്…
ലൈവ് : യുണൈറ്റ് 8 സ്പോർട്സ് ചാനലുകളിലും സീ ഫൈവിലും
മെക്സിക്കോ സിറ്റി: ഫുട്ബോള് ലോകം ആകാംക്ഷയോടെ കാത്തിരുന്ന 23-ാമത് ഫിഫ ലോകകപ്പിന് ഇന്ന് (ജൂണ് 11) കിക്കോഫ്. ആദ്യമായി മൂന്ന് രാജ്യങ്ങളിലായി നടക്കുന്ന ലോകകപ്പിന് അമേരിക്കയും മെക്സിക്കോയും കാനഡയും വേദിയാകും. 48 ടീമുകളുമായി ചരിത്രത്തിലെ ഏറ്റവും വലിയ ലോകകപ്പിന് ആണ് ഇത്തവണ കളമൊരുങ്ങുന്നത്. ജൂണ് 12 മുതല് ജൂലൈ 19 വരെ 16 സ്റ്റേഡിയങ്ങളിലായാണ് മത്സരങ്ങള് നടക്കുന്നത്. ഇന്ത്യന് സമയം വെള്ളിയാഴ്ച പുലര്ച്ചെ 12.30ന് ആദ്യ വിസില് മുഴങ്ങും. മെക്സിക്കോയും ദക്ഷിണാഫ്രിക്കയും തമ്മില് മെക്സിക്കോ സിറ്റി സ്റ്റേഡിയത്തിലാണ് ഉദ്ഘാടന മത്സരം.
മെക്സിക്കോ ഇത് മൂന്നാം തവണയാണ് ലോകകപ്പ് ഫുട്ബോളിന് വേദിയാകുന്നത്, അമേരിക്ക രണ്ടാമതും. 1994-ലാണ് അമേരിക്ക അവസാനമായി ലോകകപ്പിന് ആതിഥേയത്വം വഹിച്ചത്. കാനഡ ഇതാദ്യമായാണ് ടൂര്ണമെന്റിന് ആതിഥേയത്വം വഹിക്കുന്നത്.
ഇത്തവണ ലോകകപ്പില് 32നു പകരം 48 ടീമുകള് മാറ്റുരയ്ക്കും. 12 ഗ്രൂപ്പുകളിലെ ആദ്യ രണ്ട് സ്ഥാനക്കാരും ഏറ്റവും മികച്ച എട്ട് മൂന്നാം സ്ഥാനക്കാരും നോക്കൗട്ട് റൗണ്ടിന്റെ തുടക്കമായ റൗണ്ട് ഓഫ് 32-ല് മത്സരിക്കും. പിന്നീട് 16 ടീമുകളുടെ പ്രീ ക്വാര്ട്ടര്, അതിനുശേഷം ക്വാര്ട്ടര്, സെമി, ഒടുവില് ജൂലൈ 19ന് കലാശപ്പോരാട്ടം.
അമേരിക്കയിലെ 11ഉം മെക്സിക്കോയിലെ മൂന്നും കാനഡയിലെ രണ്ടുമടക്കം 16 വേദികളിലായാണ് മത്സരങ്ങള്. ഫൈനല് ന്യൂ ജേഴ്സി സംസ്ഥാനത്തെ ഈസ്റ്റ് റുതര്ഫോര്ഡിലെ മെറ്റ്ലൈഫ് സ്റ്റേഡിയത്തിലും.
ഇത്തവണത്തെ ലോക കാല്പന്ത് മാമാങ്കത്തില് മലയാളി സാന്നിധ്യവുമുണ്ട്. ഖത്തര് ടീമിലെ തഹ്സിന് മുഹമ്മദ് ജംഷീദ് ലോകകപ്പില് ബൂട്ടണിയുന്ന ആദ്യ മലയാളിയാകും. കാലിക്കറ്റ് യൂണിവേഴ്സിറ്റി മുന് ഫുട്ബാള് താരമായിരുന്ന ജംഷീദിന്റെയും വളപട്ടണം സ്വദേശി ഷൈമയുടെയും രണ്ടാമത്തെ മകനായ ഈ 19കാരന് ജനിച്ചതും വളര്ന്നതുമെല്ലാം ഖത്തറിലാണ്.
⚽ ഗ്രൂപ്പ് എ
മെക്സിക്കോ
ദക്ഷിണാഫ്രിക്ക
ദക്ഷിണകൊറിയ
ചെക് റിപ്പ്ളബിക്
⚽ ഗ്രൂപ്പ് ബി
കാനഡ
ബോസ്നിയ
ഖത്തർ
സ്വിറ്റ്സർലാൻഡ്
⚽ ഗ്രൂപ്പ് സി
ബ്രസീൽ
മൊറോക്കോ
ഹെയ്തി
സ്കോട്ട്ലാൻഡ്
⚽ ഗ്രൂപ്പ് ഡി
യു.എസ്.എ
പരാഗ്വേ
ഓസ്ട്രേലിയ
തുർക്കി
⚽ ഗ്രൂപ്പ് ഇ
ജർമ്മനി
കുറസാവോ
ഇക്വഡോർ
ഐവറി കോസ്റ്റ്
⚽ ഗ്രൂപ്പ് എഫ്
നെതർലാൻഡ്സ്ജ
പ്പാൻ
സ്വീഡൻ
ടുണീഷ്യ
⚽ ഗ്രൂപ്പ് ജി
ബെൽജിയം
ഈജിപ്ത്
ഇറാൻ
ന്യൂസിലാൻഡ്
⚽ ഗ്രൂപ്പ് എച്ച്
സ്പെയ്ൻ
കേപ്വെർദേ
സൗദി അറേബ്യ
ഉറുഗ്വേ
⚽ ഗ്രൂപ്പ് ഐ
ഫ്രാൻസ്സെ
നഗൽ
ഇറാഖ്
നോർവേ
⚽ ഗ്രൂപ്പ് ജെ
അർജന്റീന
അൾജീരിയ
ഓസ്ട്രിയ
ജോർദാൻ
⚽ ഗ്രൂപ്പ് കെ
പോർച്ചുഗൽ
കോംഗോ
ഉസ്ബക്കിസ്ഥാൻ
കൊളംബിയ
⚽ ഗ്രൂപ്പ് എൽ
ഇംഗ്ളണ്ട്
ക്രൊയേഷ്യ
ഘാന
പാനമ
