കൊല്ലം: വയനാടിന് പുറമെ കൊല്ലം ജില്ലയിലും ഷിഗെല്ല സ്ഥിരീകരിച്ചു. രണ്ട് വിദ്യാർഥികളിലാണ് രോഗം കണ്ടെത്തിയത്. ഇവർ പാരിപ്പള്ളി മെഡിക്കല് കോളേജില് ചികിത്സയിലാണ്. അതേസമയം വയനാട്ടില് അഞ്ച് കുട്ടികള്ക്ക് കൂടി ഷിഗെല്ല സ്ഥിരീകരിച്ചു. ഇതോടെ രോഗ ബാധിതരുടെ എണ്ണം എട്ടായി.
ആദ്യം ആശുപത്രിയില് പ്രവേശിപ്പിക്കപ്പെട്ട 21പേരുടെ സാമ്പിളുകളാണ് പരിശോധനയ്ക്ക് അയച്ചിരുന്നത്. അഞ്ച്, ഏഴ്, എട്ട്, ഒമ്പത്, 11 വയസുള്ള പെണ്കുട്ടികള്ക്കാണ് പുതുതായി രോഗബാധയുള്ളത്. ഇതില് മൂന്നുകുട്ടികളെ കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി. ആരോഗ്യനില തൃപ്തികരമാണെന്നാണ് ഡി.എം.ഒ അറിയിച്ചിരിക്കുന്നത്.
SUMMARY: Shigella found in Kollam besides Wayanad; two students under treatment
