ഡല്ഹി: യൂണിയന് പബ്ലിക് സര്വിസ് കമ്മീഷന് (യുപിഎസ്സി) 2026ലെ സിവില് സര്വീസ് പ്രിലിംസ് പരീക്ഷാഫലം പ്രഖ്യാപിച്ചു. മെയ് 24-ന് നടന്ന സിവില് സർവീസ് പ്രിലിമിനറി പരീക്ഷയില് യോഗ്യത നേടിയ 13,343 പേരെയാണ് മെയിൻ പരീക്ഷയിലേക്ക് തിരഞ്ഞെടുത്തത്. ഈ വർഷം 1,016 ഒഴിവുകളാണ് റിപ്പോർട്ട് ചെയ്തിട്ടുള്ളത്.
കഴിഞ്ഞ വർഷത്തെ അപേക്ഷിച്ച് (1,087 ഒഴിവുകള്), ഒഴിവുകളുടെ എണ്ണത്തിലും യോഗ്യത നേടിയവരുടെ എണ്ണത്തിലും നേരിയ കുറവുണ്ട്. യോഗ്യത നേടിയ ഉദ്യോഗാർത്ഥികള് ജൂണ് 19 മുതല് 28 വരെ UPSC-യുടെ ഔദ്യോഗിക വെബ്സൈറ്റ് – upsconline.nic.in വഴി ആവശ്യമായ വിവരങ്ങള് അപ്ഡേറ്റ് ചെയ്യേണ്ടതാണ്. മെയിൻ പരീക്ഷയിലേക്കുള്ള അപേക്ഷാ ഫീസ് (200 രൂപ), സ്ക്രൈബ് വിവരങ്ങള്, കേഡർ മുൻഗണന തുടങ്ങിയവയാണ് ഈ കാലയളവില് സമർപ്പിക്കേണ്ടത്.
ഫീസ് ഒഴിവാക്കപ്പെട്ട വിഭാഗത്തില്പ്പെട്ടവർക്ക് ഇതില് ഇളവുണ്ട്. ഈ നടപടിക്രമങ്ങള് പൂർത്തിയാക്കിയാല് മാത്രമേ ഉദ്യോഗാർത്ഥികള്ക്ക് ഇ-അഡ്മിറ്റ് കാർഡ് ലഭിക്കുകയുള്ളൂ. എല്ലാ യോഗ്യരായ ഉദ്യോഗാർത്ഥികളും വെബ്സൈറ്റില് ലോഗിൻ ചെയ്ത് വിവരങ്ങള് സ്ഥിരീകരിക്കേണ്ടത് നിർബന്ധമാണ്. തിരഞ്ഞെടുപ്പ് പ്രക്രിയ പൂർണ്ണമായും അവസാനിച്ചതിന് ശേഷം മാത്രമേ മാർക്ക്, കട്ട്-ഓഫ് മാർക്ക്, ഉത്തരസൂചിക എന്നിവ വെബ്സൈറ്റില് ലഭ്യമാവുകയുള്ളൂ.
SUMMARY: UPSC Civil Services Prelims results published
