ബെംഗളൂരു: കേരളസമാജം കർണാടക ബെംഗളൂരു നോർത്ത് ഡിവിഷൻ ‘നമ്മ ഓണോത്സവം 2026’ ഓഗസ്റ്റ് 16ന് രാവിലെ 9 മണി മുതൽ യെലഹങ്ക ന്യൂ ടൗണിലെ അംബേദ്കർ ഭവനിൽ നടക്കും. പ്രമുഖ രാഷ്ട്രീയ, സാമൂഹിക, സാംസ്കാരിക രംഗങ്ങളിലെ വിശിഷ്ട വ്യക്തികൾ ചടങ്ങിൽ പങ്കെടുക്കും.
കേരളത്തിന്റെ പാരമ്പര്യവും ആഘോഷ സംസ്കാരവും ഉയർത്തിപ്പിടിക്കുന്ന നിരവധി പരിപാടികൾ, വിഭവസമൃദ്ധമായ ഓണസദ്യ, സമാജം അംഗങ്ങളുടെ വൈവിധ്യമാർന്ന കലാപരിപാടികൾ, പൊതുസമ്മേളനം എന്നിവ ഉണ്ടായിരിക്കും.
വൈകിട്ട് 3 മണി മുതൽ ജനകീയ നാടൻപാട്ട് ദൃശ്യകലാപരിപാടിയായ ‘ചൂട്ട്’ അരങ്ങേറുമെന്ന് ചെയർമാൻ സുകുമാരൻ കൺവീനർ സുമോധ് എന്നിവർ അറിയിച്ചു. കൂടുതൽ വിവരങ്ങൾക്ക്: 8277459358
