ബെംഗളൂരു: ബാംഗ്ലൂര് കേരളസമാജത്തിന്റെ വിദ്യാഭ്യാസ സഹായ പദ്ധതിക്ക് തുടക്കം. അടുത്ത അധ്യയന വര്ഷത്തേക്ക് മിടുക്കരും നിര്ദ്ധനരുമായ വിദ്യാര്ത്ഥികള്ക്ക് സ്ക്കോളര്ഷിപ്പ് നല്കുന്ന പദ്ധതിക്ക് കേരള സമാജം കെ ആര് പുരം സോണില് തുടക്കം കുറിച്ചു. പദ്ധതി കേരള സമാജം പ്രസിഡന്റ് ഹനീഫ് എം ഉദ്ഘാടനം ചെയ്തു.കെ ആര് പുരം സോണ് ചെയര്മാന് ഷിബു കെ എസ് അധ്യക്ഷത വഹിച്ചു.
കെ. ആര്. പുരം സോണിന്റെ ആഭിമുഖ്യത്തില് കഴിഞ്ഞ ആറു വര്ഷങ്ങളായി വിദ്യാര്ത്ഥികള്ക്ക് ദേശ ഭാഷവ്യത്യാസമില്ലാതെ നല്കിവരുന്നുണ്ട്. ആദ്യ ഘട്ട വിദ്യാഭ്യാസസഹായം, 60 വിദ്യാര്ത്ഥികള്ക്കായി ആറ് ലക്ഷം രൂപയുടെ ധനസഹായമാണ് വിതരണം ചെയ്തത്.
കേരളസമാജം വൈസ് പ്രസിഡന്റ് സുധീഷ് പി. കെ, ജന:സെക്രട്ടറി
റെജികുമാര്, ട്രഷറര് ജോര്ജ് തോമസ്, ജോയിന്റ് സെക്രട്ടറി അനില്കുമാര് ഒ.കെ ,
അസിസ്റ്റന്റ് സെക്രട്ടറിമാരായ വിനു. ജി, വി മുരളീധരന് ,
കെ.എന്. ഇ. ട്രസ്റ്റ് പ്രസിഡന്റ് ഗോപിനാഥ് , സെക്രട്ടറി ജയ്ജോ ജോസഫ് , സോണ് കണ്വീനര് ബിനു പി , സോണ് നേതാക്കളായപി. ദിവാകരന്, ചന്ദ്രശേഖരന് നായര്,ശിവദാസ് പി. കെ, ടെജി ജോസഫ്, പദ്മകുമാര് കെ. പി, ഷൈജന് തോമസ്, വിനീത്. യു, ജോണി പി.സി, രജിത്കുമാര് കെ. പി, സയ്യിദ് മസ്താന്, ആയിഷ ഹനീഫ്, രഞ്ജിത ശിവദാസ് തുടങ്ങിയവര് സംബന്ധിച്ചു.
പത്ത് സോണുകളുടെയും നേതൃത്വത്തിലാണ് ഈ പദ്ധതി നടപ്പിലാക്കുന്നത്. ഈ വര്ഷം 150 വിദ്യാര്ത്ഥികള്ക്കാണ് വിദ്യാഭ്യാസ സഹായം നല്കാന് ഉദ്ദേശിക്കുന്നതെന്ന് ജനറല് സെക്രട്ടറി റജി കുമാര് അറിയിച്ചു.
