ബെംഗളൂരു: രാജ്യത്ത് അനധികൃതമായി എത്തിയ ബംഗ്ലാദേശ് സ്വദേശികളായ 40 പേരെ മൈസൂരു റെയിൽവേ പോലീസ് പിടികൂടി. ഞായറാഴ്ച രാവിലെ ബംഗാളിൽ നിന്നുള്ള ഹൗറ എക്സ്പ്രസ് ട്രെയിനില്‍ എത്തിയ സംഘമാണ് പിടിയിലായത്. ബംഗ്ലദേശ് പൗരന്മാരെന്നു സംശയിക്കുന്നവർ നഗരത്തിൽ എത്തിയതായി ഹിന്ദു ജാഗരണ വേദികെ പ്രവർത്തകരാണു പോലീസിനെ അറിയിച്ചത്. ബംഗാളിൽ നിന്നുള്ള തിരിച്ചറിയൽരേഖകൾ ഇവരുടെ കൈവശമുണ്ടായിരുന്നു. എന്നാൽ, ഇവ വ്യാജമാണെന്ന് പരിശോധനയില്‍ തെളിഞ്ഞു. ഇവിടെനിന്ന് കേരളത്തിലേക്ക് പോകുകയായിരുന്നു ഇവരുടെ ലക്ഷ്യമെന്ന് പോലീസ് പറഞ്ഞു.
റെയിൽവേ പോലീസ് എത്തി ഇവരെ ചോദ്യം ചെയ്യുകയായിരുന്നു. അനധികൃതമായി കുട യേറിയവരാണെന്ന് വ്യക്തമായതോടെ ലോക്കൽ പോലീസി ന് കൈമാറി. ഇവിടെനിന്ന് കൂലിവേലയ്ക്കും മറ്റുമായി കേരളത്തിലേക്ക് പോകുകയായിരുന്നു ഇവരുടെ ലക്ഷ്യമെന്ന് പോലീസ് പറഞ്ഞു. സംഭവത്തില്‍ പോലീസ് വിശദമായ അന്വേഷണമാരംഭിച്ചിട്ടുണ്ട്.
SUMMARY: Illegal immigration; 40 Bangladeshi nationals coming to Kerala arrested in Mysuru
