ബെംഗളൂരു: രണ്ടു ദിവസത്തെ സന്ദർശനത്തിനായി ഉപരാഷ്ട്രപതി സി.പി.രാധാകൃഷ്ണൻ ഇന്ന് ബെംഗളൂരുവിൽ എത്തും. ഇന്ന് നടക്കുന്ന കെമ്പഗൗഡയുടെ 517-ാം ജന്മവാർഷിക ആഘോഷങ്ങളിൽ അദ്ദേഹം പങ്കെടുക്കും. നാളെ രാജീവ് ഗാന്ധി ആരോഗ്യ സർവകലാശാലയുടെ 31-ാമത് സ്ഥാപക ദിനാഘോഷത്തിന്റെയും അന്താരാഷ്ട്ര ലഹരി വിരുദ്ധ ദിനാചരണത്തിന്റെയും ഭാഗമായി കണ്ഠീരവ സ്റ്റേഡിയത്തിൽ നടക്കുന്ന നാഷാ മുക്ത് ഭാരത് കോൺക്ലേവിൽ ഉപരാഷ്ട്രപതി പങ്കെടുക്കും. ഗവർണർ തവാർചന്ദ് ഗെഹ്ലോട്ട് അധ്യക്ഷത വഹിക്കും. മുഖ്യമന്ത്രി ഡി.കെ. ശിവകുമാറും ആന്ധ്രാപ്രദേശ് ഗവർണർ എസ്. അബ്ദുൾ നസീര്, മെഡിക്കൽ വിദ്യാഭ്യാസ, നൈപുണ്യ വികസന മന്ത്രിയും സർവകലാശാല പ്രോ-ചാൻസലറുമായ ശരണപ്രകാശ് ആർ. പാട്ടീൽ, ആരോഗ്യ കുടുംബക്ഷേമ മന്ത്രി യു.ടി. ഖാദർ എന്നിവരും ചടങ്ങിൽ സംബന്ധിക്കും.
SUMMARY: Vice President in Bengaluru today
