ബെംഗളുരു: മയക്കുമരുന്നുപയോഗമെന്ന മാരക വിപത്തിനെതിരെ ബെംഗളുരു ഉള്‍പ്പെടെയുള്ള ഇന്ത്യന്‍ നഗരങ്ങളിലെ സന്നദ്ധ-സാംസ്കാരിക പ്രവര്‍ത്തകരും ലഹരി വിരുദ്ധ സാമൂഹ്യ പ്രവര്‍ത്തകരും ചേര്‍ന്ന് രൂപീകരിച്ച ആന്റിഡോട്ട് ഫൗണ്ടേഷന്‍ ഓഫ് ഇന്ത്യ (രജി)-‘അഫോയി’-യുടെ ഔപചാരിക ഉദ്ഘാടനത്തിന് മുന്നോടിയായി സംഘടിപ്പിക്കുന്ന മലയാളി സംഘടനകളുടെ പൊതുയോഗം ജൂലൈ 5 ന് വൈകിട്ട് 3.30 മുതല്‍ ശിവാജിനഗര്‍ ഇംപീരിയല്‍ ഹോട്ടലില്‍ നടക്കും.
ജൂലൈ 25ന് ജാലഹള്ളി സെന്റ് ക്ലാരറ്റ് ഓട്ടോണമസ് കോളേജ് ഓഡിറ്റോറിയത്തില്‍ വെച്ചാണ് അഫോയിയുടെ ഉദ്ഘാടനം. കേരള-കര്‍ണാടക സംസ്ഥാനങ്ങളിലെ മന്ത്രിമാര്‍, ജനപ്രതിനിധികള്‍. മറ്റുപ്രമുഖ വ്യക്തികള്‍ എന്നിവര്‍ ചടങ്ങില്‍ പങ്കെടുക്കും.
ബെംഗളൂരുവിലടക്കം കര്‍ണാടകയില്‍ പഠനത്തിനെത്തുന്ന മലയാളി വിദ്യര്‍ഥികളെ ഉപയോഗപ്പെടുത്തി മയക്കുമരുന്നു മാഫിയയും സാമൂഹ്യ വിരുദ്ധ ശക്തികളും പല വിധത്തിലുള്ള നിയമവിരുദ്ധ പ്രവര്‍ത്തനങ്ങൾ നടത്തുന്നതായി ഇതിനോടകം റിപ്പോര്‍ട്ട് ചെയ്യപ്പെട്ടിട്ടുണ്ട്. ഇതിനെതിരെ വലിയൊരു സാമൂഹിക ഇടപെടലാണ് അഫോയി ലക്ഷ്യമിടുന്നത്. ലഹരിവിരുദ്ധ പ്രവർത്തനങ്ങളിൽ പങ്കാളികളാകാൻ താൽപര്യമുള്ള സമാന ചിന്താഗതിക്കാരായ വ്യക്തികളും ബെംഗളൂരുവിലെ എല്ലാ സംഘടനാ പ്രതിനിധികളും യോഗത്തില്‍ പങ്കെടുക്കണമെന്ന് ചെയര്‍മാന്‍ പി.എ. ഐസക്, പ്രസിഡണ്ട് ബിനു ദിവാകരന്‍, സെക്രട്ടറി അഡ്വ. ബുഷ്റ വളപ്പില്‍ എന്നിവര്‍ അഭ്യര്‍ത്ഥിച്ചു.
ഫോണ്‍ : 94480 71100, 77779 27742
SUMMARY:‘Anti-drug coalition; General meeting of Malayali organizations on 5th
