തിരുവനന്തപുരം: വധശ്രമ കേസില് അറസ്റ്റിലായ കൗണ്സിലർ സുഗതൻ്റെ ജാമ്യാപേക്ഷ തള്ളി. നെടുമങ്ങാട് മജിസ്ട്രേറ്റ് കോടതി രണ്ടാണ് ജാമ്യം തള്ളിയത്. വീട്ടില് കയറി അറസ്റ്റ് ചെയ്യാൻ ശ്രമിച്ച പോലീസിനെ ആക്രമിച്ച കേസിലും സുഗതന് ജാമ്യമില്ല. നിരവധി ക്രിമിനല് കേസുകളിലും കാപ്പ നിയമപ്രകാരമുള്ള കരുതല് തടങ്കലിലും ഉള്പ്പെട്ടിരിക്കുന്ന സുഗതനെ കഴിഞ്ഞ മാസം പോലീസ് വീട്ടിലെത്തി അറസ്റ്റ് ചെയ്തിരുന്നു.
അറസ്റ്റിനിടെ പോലീസിനെ ആക്രമിച്ചതടക്കമുള്ള കേസുകളും അദ്ദേഹത്തിനെതിരെ നിലവിലുണ്ട്. നിലവില് ക്ഷേത്രോത്സവവുമായി ബന്ധപ്പെട്ട കേസിലെ തെളിവെടുപ്പിനായി സുഗതനെ വിയ്യൂർ ജയിലില് നിന്ന് തിരുവനന്തപുരത്തേക്ക് എത്തിച്ച ശേഷം നടപടികള് പൂർത്തിയാക്കി വീണ്ടും ജയിലിലേക്ക് മാറ്റിയിട്ടുണ്ട്. അതിനാല് ഈ കേസില് ജാമ്യം ലഭിച്ചാലും കാപ്പ നിയമപ്രകാരമുള്ള കരുതല് തടങ്കല് തുടരുന്നതിനാല് സുഗതന് ജയിലില് നിന്ന് പുറത്തിറങ്ങാനാവില്ല.
SUMMARY: Attempt-to-murder case: BJP Councilor Sugathan’s bail plea rejected.
