ബെംഗളൂരു: കല വെൽഫെയർ അസോസിയേഷന്റെ ആഭിമുഖ്യത്തിൽ വിവിധ പരീക്ഷകളിൽ ഉന്നത വിജയം നേടിയ വിദ്യാർഥികളെ ഞായറാഴ്ച രാവിലെ 10ന് ചൊക്കേസാന്ദ്ര മഹിമപ്പ സ്കൂളിൽ നടക്കുന്ന പരിപാടിയില് ആദരിക്കും. ചടങ്ങില് വിദഗ്ധർ നയിക്കുന്ന മാർഗനിർദേശ ക്ലാസ് ഉണ്ടായിരിക്കും. കുട്ടികൾക്കും രക്ഷിതാക്കൾക്കും ഒരുപോലെ പ്രയോജനപ്പെടുന്ന രീതിയിലാണ് ക്ലാസ് ക്രമീകരിച്ചിരിക്കുന്നത്. തുടർന്ന് കലയുടെ വിദ്യാഭ്യാസ സഹായ പദ്ധതിയുടെ ഭാഗമായി അർഹരായ വിദ്യാർഥികൾക്ക് പഠനസഹായ നിധി വിതരണം ചെയ്യും. ബെംഗളൂരുവിലെ സാമൂഹിക, സാംസ്കാരിക, രാഷ്ട്രീയ രംഗങ്ങളിലെ വ്യക്തികൾ ചടങ്ങിൽ പങ്കെടുക്കും.
SUMMARY: Kala Bengaluru students honored
