കൊച്ചി: എഎംഎംഎ ഭരണസമിതിയില് വീണ്ടും രാജി. എക്സിക്യൂട്ടീവ് കമ്മിറ്റി അംഗം നടി ആശ അരവിന്ദാണ് രാജിക്കത്ത് നല്കിയത്. ജനറല് ബോഡി കൈക്കൊണ്ട തീരുമാനത്തിനെതിരായി നില്ക്കുന്നത് ശരിയല്ല എന്ന ബോധ്യം തനിക്കുണ്ടെന്ന് പറഞ്ഞുകൊണ്ടാണ് രാജിക്കത്ത് സംഘടനയ്ക്ക് കൈമാറിയത്.
സംഘടനയുടെ ജനാധിപത്യപരമായ തീരുമാനങ്ങളെ മാനിക്കുകയും അന്തസും ഐക്യവും കാത്തുസൂക്ഷിക്കുമെന്നും സഞ്ജീവനി ഉള്പ്പെടെയുള്ള പദ്ധതികളില് ആത്മാര്ത്ഥതയോടെ പ്രവര്ത്തിച്ചിട്ടുണ്ടെന്നും ആശ രാജികത്തില് വ്യക്തമാക്കി. ആശ അരവിന്ദ് നേരത്തെ അഡ്ഹോക് കമ്മറ്റിയില് നിന്നും രാജിവച്ചിരുന്നു. അടുത്തിടെ നടിമാരായ രേവതിയും പത്മപ്രിയയും എഎംഎംഎയില് നിന്ന് രാജിവച്ചിരുന്നു. സമൂഹമാദ്ധ്യമത്തില് പോസ്റ്റുചെയ്ത സംയുക്ത പ്രസ്താവനയിലാണ് ഇരുവരും തങ്ങളുടെ രാജി പ്രഖ്യാപിച്ചത്.
SUMMARY: Actress Asha Aravind has resigned from AMMA’s executive committee
