കണ്ണൂര്: വീണ്ടും സിഐയെ വെല്ലുവിളിച്ച് അര്ജുന് ആയങ്കി. ഊന്നുകല് സിഐക്കെതിരെയാണ് ആയങ്കിയുടെ വെല്ലുവിളി. കേസില് മുൻകൂർ ജാമ്യമെടുത്തിട്ടേ വരൂവെന്നും പറ്റുമെങ്കില് പിടിക്കാനുമാണ് ഇൻസ്റ്റഗ്രാം പോസ്റ്റിലൂടെ വെല്ലുവിളിച്ചിരിക്കുന്നത്. നേരത്തെ കോതമംഗലം സിഐയെയും സമൂഹമാധ്യമങ്ങളിലൂടെ ആയങ്കി ഭീഷണിപ്പെടുത്തിയിരുന്നു. കോതമംഗലം സിഐ പ്രശാന്തിന് എതിരെയായിരുന്നു ആയങ്കിയുടെ പോസ്റ്റ്.
പിന്നാലെ ജാമ്യവ്യവസ്ഥ ലംഘിച്ചുവെന്ന് ചൂണ്ടിക്കാട്ടി കോതമംഗലം മജിസ്ട്രേറ്റ് കോടതിയില് ആയങ്കിക്കെതിരെ പോലീസ് റിപ്പോര്ട്ട് നല്കുകയും സിഐയെ ഭീഷണിപ്പെടുത്തിയതില് കേസെടുക്കുകയും ചെയ്തിരുന്നു. ഐടി ആക്ട് പ്രകാരമായിരുന്നു നടപടി. സംഘടിത കുറ്റകൃത്യത്തിന് ഗൂഢാലോചന നടത്തിയ കേസില് ജാമ്യത്തിലിറങ്ങിയതിന് പിന്നാലെയായിരുന്നു കോതമംഗലം സിഐയെ ആയങ്കി ഭീഷണിപ്പെടുത്തിയത്.
സമാധാനമായി പെന്ഷന് വാങ്ങി ശിഷ്ടജീവിതം നയിക്കാന് അനുവദിക്കില്ലെന്നായിരുന്നു ഭീഷണി. പുന്നേക്കാടുള്ള റിസോര്ട്ടില് വെച്ചായിരുന്നു ആയങ്കി അറസ്റ്റിലായത്. മെയ്യിലായിരുന്നു അറസ്റ്റ്. ആയങ്കിക്കൊപ്പം മരട് അനീഷിന്റെ കൂട്ടാളികളെയും കോതമംഗലം പോലീസ് അറസ്റ്റ് ചെയ്തിരുന്നു.
SUMMARY: Arjun Ayanki challenges the CI again.
